...قازاننىڭ قىراۋلى كۇندەرىنىڭ بىرىندە ەلىمىزدە  قورعانىس سالاسىنىڭ باسشىسى اۋىستى...

قازاقستانننىڭ قورعانىس سالاسىن باسقارۋعا يمانعالي تاسماعامبەتوۆ كەلدى. نەگىزگى سەبەپتىڭ ءبىرى - قازاقتىڭ قورعانىس سالاسى سوڭعى جىلدارى بوساڭسىپ-بولبىراپ، ءتىپتى، بەينەتتەگى مەن زەينەتتەگى گەنەرالدار اشىق «ايقاسقا» شىققان دەسەدى...

...ارادا التى اي ءوتتى. مامىر ايىنداعى وتان قورعاۋشىلار كۇنىندە (7 مامىر) استاناداعى اسكەري شەرۋدى كورىپ، قامكوڭىل بولىپ جۇرگەن ويىمىز ورنىنا ءتۇستى...

قازاقستاننىڭ اسكەري الەۋەتى قۋاتتانۋعا بەت تۇزەدى. اسكەري قۋاتتى ەلدەردىڭ الەمدىك رەيتينگىندە قازاق ەلى 14 جىلعا كوتەرىلدى. Global Firepower ۇيىمى جاساعان الەمدىك كورسەتكىش بويىنشا قازاق جۇرتىنىڭ اسكەرى 126 ەلدىڭ ىشىندە 66 ورىندى مىقتاپ يەمدەندى.

قازاقستاننىڭ اسكەري قىزمەتكە جارامدى تۇرعىن­دارىنىڭ سانى 6 ملن 438 مىڭ 168 ادام. بۇل دارەجەدە قازاقستان 58-ءشى دەيگەيدە. سونىمەن قاتار، قازاقستاندا 110 مىڭ اسكەري قىزمەتكەر (49-شى ورىندا) جانە 378 مىڭ رەزەرۆتەگىلەر (24-ءشى ورىن), 300 تانكى (48-ءشى ورىن), 1 613 بتر “بروندالعان ترانسپورتەرلار” (44-ءشى ورىن), 285 ءوزى جۇرەتىن ارتيللەريالىق قوندىرعى (22-ءشى ورىن), 744 دانا سۇيرەتپەلى ارتيللەريا (18-ءشى ورىن), 393 دۇركىندەتىپ اتاتىن رەاكتيۆتى جۇيەسى (12-ءشى ورىن), 233 دانا اۆياتسيالىق اسكەري تەحنيكا (41-ءشى ورىن) مەن 15 دانا جاعالاۋدى كۇزەتەتىن كەمەلەرى (87-ءشى ورىن) بار كورىنەدى. قازاقتىڭ اسكەري بيۋدجەتى $2 ملرد 435 ملن-دى قۇرايدى. كورسەتكىش ەلىمىزدى 59-شى ورىنعا كوتەردى.

...ۇلكەن جۇرتتار سانالاتىن اقش، رەسەي، قىتاي العاشقى ۇشتىكتە بولسا، ءۇندىستان، ۇلىبريتانيا، فرانتسيا، سولتۇستىك كورەيا ۇلكەندەردىڭ ءىزىن باسقان. ءارى قاراي، ۋكراينا 25-ءشى ورىنعا، بەلارۋس - 45-ءشى، وزبەكستان - 54-ءشى، ازەربايجان - 63-ءشى، ارمەنيا - 74-ءشى، گرۋزيا - 75-ءشى، قىرعىزستان - 78-ءشى، تاجىكستان - 81-ءشى، تۇركمەنستان - 90-شى ورىنعا تابان تىرەدى. ەڭ سوڭعى ۇشتىكتە مالي، موزامبيك جانە سومالي...

بۇگىنگى احۋالىمىز جامان ەمەس. جۇرتتىڭ سوڭ­ىن­دا، ەلدىڭ ەتەگىندە ەمەسپىز. قارۋىمىز دا، قاۋقارىمىز دا بار. باستى ماقسات – ەلدىڭ تاۋەل­سىزدىگىن ساقتاۋ. مۇنىڭ ءوزى جالعىز قورعانىس سالاسىنىڭ ەمەس، قابىرعالى ءدۇيىم قازاقتىڭ پارىزى. قىسقاسى، ەلىمىزدىڭ قورعانىس سالاسى قورمالدانىپ، الاپتى اسىپ، الەۋەتى ارتىپ كەلەدى. ۇزاعىنان ءسۇيىندىرسىن. 

قاجىمۇقان عابدوللا

Abai.kz