بەلگىلى ساياساتتانۋشى ا. چەبوتارەۆتىڭ «تاۋەلسىز قازاقستاننىڭ ساياسي ويى:ديناميكا، يدەيالار، باعالاۋ» اتتى كىتابىنىڭ  جارىق كورگەنىنە ءبىراز بولدى.

كىتاپتا تاۋەلسىز قازاقستانداعى مەملەكەتتىك قۇرىلىسقا تىكەلەي اسەر ەتكەن ساياسي كۇشتەر مەن تۇلعالاردىڭ يدەيالارىنا، كوزقاراسىنا، الەۋمەتتىك-ساياسي پلاتفورمالارىنا قىزىقتى تالداۋ جاسالعان.

ماسەلە، ەلىمىز تاۋەلسىزدىك العاننان بەرگى ساياسي-يدەيالىق مۇرا جونىندە. سول كەزدەگى يدەيالار كۇرەسى قالاي ءجۇردى، تۇعالار ءبىر-بىرىنە نەندەي اسەر ەتتى دەگەن سۇراقتارعا باعا بەرىلىپ جان-جاقتى قاراستىرىلعان.  سونىمەن بىرگە كىتاپ اۆتورى ساياسي كوزقاراسىنا قاراماي، بيلىكتىڭ «قارا تىزىمىنە» ەنگەن ازاماتتاردىڭ ساياسي تۇعىرناماسىنا   باعا بەرۋگە تىرىسادى. ا. سارسەنبايۇلىنىڭ، ز. نۇرقادىلوۆتىڭ، ب. ءابىلوۆتىڭ، ە. اساەباەۆتىڭ كوزقاراستارى بۇكپەسىز جازىلعان.مۇنىڭ ءوزى فەنومەن.

 سونىمەن بىرگە، بۇگىنگى بيلىكتىڭ دە «اق پەن قاراسى» جاقسى اشىلعان...

عىلىمي- ساراپتاما تۇرىندە جازىلعان تۋىندىدا جوعارىدا ايتىلعان تۇلعالاردىڭ ساياسي كوزقاراستارىنىڭ وزگەرۋى، ونىڭ سالدارى، ودان شىعاتىن قورىتىندىلار شەبەر بەرىلگەن ءتارىزدى.

اياققى كەزدەرى ساياسي مەمۋاريستيكا، ساياسي ساراپتاما جانرى اقساپ قالعاندىعى بەلگىلى. بۇل كىتاپتىڭ قۇندىلىعى – وسى «ۇلكەن الاڭدى» تولتىرۋعا ءبىراز بولسا دا ۇلەس قوساتىن ءتارىزدى.

كىتاپ، ساياساتتانۋشىلار، الەۋمەتتانۋشىلار، سونىمەن قاتار بۇگىنگى ساياساتقا قىزىعۋشىلىق تانىتاتىن بارلىق كىتاپ سۇيەر قاۋىمعا ارنالعان.

ەرلان سايروۆ، ساياساتتانۋشى.

اباي-اقپارات.