1. فەرما قوجايىنى تىشقان اۋلايتىن قاقپان قويدى. ونى بايقاعان تىشقان كورگەن-بىلگەنىن تاۋىققا، قويعا جانە سيىرعا جەتكىزدى. ال ولار بولسا: «قاقپان — سەنىڭ پروبلەماڭ! بىزگە ونىڭ قاتىسى جوق! ءوز شارۋاڭدى ءوزىڭ شەش» دەپ تىشقاندى سويلەتپەي تاستايدى.

كەشكىسىن قاقپانعا جىلان ءتۇسىپ، فەرمەردىڭ ايەلىن شاعىپ الىپتى. كۇيەۋى ايەلى جازىلسىن دەپ، تاۋىق سويىپ، سورپا دايىنداپ بەرىپتى. ال ايەلدىڭ جاعدايىن سۇراپ كەلگەن قوناقتارعا قوي سويىپتى. بىراق جىلان شاعىپ، جاعدايى ناشارلاعان ايەل اقىرى قايتىس بولادى. ال ساداقا وتكىزۋگە سيىردى سويادى.

وسى كورىنىستىڭ بارلىعىن تىشقان ءوز ىنىنەن قاراپ وتىرىپتى...

ءتۇيىن: وزىڭىزگە تىكەلەي قاتىسى جوق شارۋانىڭ، سىزگە مۇلدەم كەسىرى تيمەيدى دەپ ويلاۋ — ۇلكەن قاتەلىك.

2. بۇركىت بيىك تالدىڭ باسىندا وتىر ەكەن. كوڭىلى توق، ابىرويى بار بۇركىتتىڭ ەشتەڭە ىستەمەي وتىرعانىنا قىزىققان قويان بۇركىتكە:
— مەن دە ءسىز قۇساپ، ەشتەڭە ىستەمەي وتىرسام بولا ما؟ — دەيدى.
— ارينە، بولادى. تالدىڭ تۇبىنە وتىرا عوي، — دەيدى بۇركىت.
بۇركىت ايتقانداي تال تۇبىنە جايعاسقان قوياندى تۇلكى جەپ قويىپتى.

ءتۇيىن: ەشتەڭە ىستەمەي دەم الۋ ءۇشىن — ۇزاق ەڭبەك جاساپ، ابىرويلى بولۋ كەرەك! سوندا عانا تۇلكى سياقتىلاردىڭ ءتىسى باتپايتىن بولادى..

3. فەرمادا جىلقى اۋىرىپ قالىپتى.
ۆەتەرينار:
— جىلقىعا ءدارى ەكتىم. ەگەر تاڭەرتەڭ ويانباي قالسا، ءولدى دەپ ەسەپتەي بەرىڭىز، — دەپ فەرمەرگە ايتىپ كەتىپتى.

تاڭ اتتى. جىلقى ويانعان جوق. قاسىندا جاتقان قوي:
— دوسىم، تۇرساڭشى! ايتپەسە، سەن ولەسىڭ، — دەپ جىلقىنى وياتىپ الىپتى.
فەرمەر:
— مىنە، كەرەمەت! مەن وتە قۋانىشتىمىن! بۇل جاعدايدى اتاپ ءوتۋ كەرەك! — دەپ قويدى سويىپتى.

ءتۇيىن: وزىڭىزگە قاتىسى جوق ىسكە — ەشقاشان ارالاسپاڭىز. بىراق قاقپان تۋرالى اڭگىمەنى دە ۇمىتپاعانىڭىز ءجون!

4. جۇمىس ىستەپ جاتقان ءۇش جىگىتتى كوردىم. ءبىرى تاس شاۋىپ جاتىر، ەكىنشىسى نۇسقاۋ بەرىپ جاتىر، ال ءۇشىنشىسى جاي قاراپ تۇر ەكەن. ولارعا:
— نە ىستەپ جاتىرسىڭدار؟ — دەگەنىمدە، ءبىرى:
— قينالىپ، جۇمىس ىستەپ جاتىرمىن، — دەدى.
— مەن جۇمىس جاساتىپ، اقشا تاۋىپ جاتىرمىن، — دەدى ەكىنشىسى. ال ءۇشىنشىسى:
— ال مەن ءزاۋلىم ساراي سالعىزىپ جاتىرمىن، — دەدى.

ءتۇيىن: ارمانى جوق ادامدى — ارمانى بار ادام باسقارادى.

5. تاكسي جۇرگىزۋشىسى تانىمال ميلليونەردى مىنگىزىپتى. ۇيىنە جەتكەن ميلليونەر تاكسيگە 500 تەڭگە عانا بەرەدى.
تاكسيست:
— مەن كەشە ءسىزدىڭ ۇلىڭىزدى وسى ۇيگە اكەلدىم. ول ماعان 2000 تەڭگە ارتىق بەردى دە، قاجەتىڭە جارات دەپ قۋانتقان ەدى.
— مەن ول سياقتى ارتىق اقشا جۇمسامايمىن! سەبەبى، ونىڭ اكەسى — ميلليونەر بولسا، مەن — جەتىممىن.

ءتۇيىن: ماڭداي تەرمەن تاپقان تابىسىن ەشكىم ارتىق جۇمسامايدى.

سەيداحمەتتىڭ اي-نۇرى (اۆتوردىڭ فەيسبۋكتاعى جەكە پاراقشاسىنان الىندى)