«دارابوز» بايقاۋى جاڭا دەڭگەيدە!
22 ءساۋىر كۇنى قازاقستان ءباسپاسوز كلۋبىندا حالىقارالىق «دارابوز-2015» سىيلىعىنا ارنالعان ءباسپاسوز ءماسليحاتى بولىپ ءوتتى. ءباسپاسوز ءماسليحاتىنا سپيكەر رەتىندە قاتىسقان اتالمىش شارانىڭ ۇيىمداستىرۋ كوميتەتى، دەمەۋشىلەر مەن كەلىپ تۇسكەن شىعارمالارعا قازىلىق ەتەتىن جازۋشىلار مالىمدەمە جاسادى. ەستەرىڭىزگە سالا كەتسەك، 2006 جىلدان بەرى ەلىمىزدە «دارابوز» اتتى بالالارعا ارنالعان شىعارمالار ءۇشىن بايگە ۇيىمداستىرىلىپ كەلەدى. بيىلعى جىلى يگى شارانىڭ باسى-قاسىندا جۇرگەن «باۋىرجان» قايىرىمدىلىق قورى جوبانى جاڭا دەڭگەيدە وتكىزۋدى كوزدەپ وتىرعانى ءمالىم بولدى.
ءباسپاسوز ءماسليحاتىندا العى ءسوزدى العان «باۋىرجان» قايىرىمدىلىق قورىنىڭ نەگىزىن قالاۋشى جۇلدىز وماربەكوۆا كونكۋرستى ۇيىمداستىرۋ كوميتەتىنىڭ ءتورايىمى رەتىندە «دارابوز» كونكۋرسىنا شىعارمالاردى قابىلداۋ مەرزىمى 20 مامىرعا دەيىن جالعاساتىنىن حابارلادى.
- بيىل «دارابوز» كونكۋرسى «جەرسۋ» ينۆەستيتسيالىق وندىرىستىك كورپوراتسياسىنىڭ قارجىلاي قولداۋ كورسەتۋىنىڭ ارقاسىندا ونىنشى مارتە وتكىزىلگەلى وتىر. وسى مەرەيتويلىق مەرزىمدى ەسكەرە كەلىپ، بيىلدان باستاپ شىعارمالاردى تەك قازاق تىلىندە عانا ەمەس، سونىمەن قاتار، ورىس تىلىندە دە قابىلداۋدى ءجون ساناپ وتىرمىز. تاعى دا ءبىر قۋانتارلىق جايت، ۇزدىك شىعارمالار توپتالعان جيناقتان بولەك، بيىلعى جىلى «اتامۇرا»، ء«داۋىر»، «الماتى كىتاپ»، «ارۋنا» باسپالارى لايىق دەپ تانىعان ءبىر-ءبىر كىتاپتىڭ شىعارىلىمىن مويىندارىنا الىپ وتىر. «ەل بولامىن دەسەڭ - بەسىگىڭدى تۇزە» دەپ بەكەر ايتىلماسا كەرەك! ءبىز وسكەلەڭ ۇرپاقتى باتىسقا ەلىكتەۋدەن، ءدىني اعىمداردان، ينتەرنەتتەگى ادام شوشىتارلىق ءتۇرلى قاتەرلى اقپاراتتاردان ساقتاندىرعىمىز كەلىپ شارق ۇرامىز. الايدا، ولاردى قوعامنان ءبولىپ جارىپ تاربيەلەي المايتىنىمىز ايقىن. سەبەبى، ادامنىڭ كۇنى اداممەن. اداممەن ارالاسپاي-قۇرالاسپاي بولمايدى. بالا دا سول سياقتى. ونىڭ بولاشاقتا قانداي ازامات بولۋى قوعامعا، جانە جان جاقتان اعىلىپ كەلىپ جاتقان اقپاراتقا تىكەلەي بايلانىستى. بۇل تىعىرىقتان شىعاتىن بىردەن-ءبىر جول، ول - كىتاپ. كىتاپ - وسى قاۋىپتى ۆيرۋستارعا توتەپ بەرەتىن يممۋنيتەت ىسپەتتى رۋحاني ازىق. سوندىقتان بۇگىنگى ءسىز بەن ءبىزدىڭ مىندەتىمىز - بالالار جازۋشىلارىنا قولداۋ كورسەتۋ. سول ارقىلى دۇنيەگە بۇلدىرشىندەر قاۋىمىنا ارنالعان مىقتى شىعارمالاردىڭ كوپتەپ كەلۋىنە سەپتىگىمىزدى تيگىزۋ; كىتاپ تيراجدارىن كوبەيتىپ، تەگىن تاراتۋ، سول شىعارمالارمەن وسكەلەڭ ۇرپاقتى تاربيەلەۋ. ەلىن كوركەيتەر، ەڭبەگىنە ادال، ەل قامىن جەيتىن ۇرپاق تاربيەلەۋ، - دەپ ءسوزىن جالعادى سپيكەر.
كونكۋرستى قارجىلاندىرىپ كەلە جاتقان "ZHERSU" ينۆەستيتسيالىق وندىرىستىك كورپوراتسياسىنان وكىل رەتىندە قاتىسىپ وتىرعان "ZHERSU" يوك باسقارماسى توراعاسىنىڭ ورىنباسارى شارا سىرگەباەۆا ءسوز الىپ: "كورپوراتسيا پرەزيدەنتى وسپانوۆ باۋىرجان مىرزا ۇزاق جىلدار بويى وسى تەكتەس شارالارعا كوپ كوڭىل ءبولىپ، قارجىلاي قولداۋ كورسەتىپ كەلەدى. بيىل "ZHERSU" ينۆەستيتسيالىق وندىرىستىك كورپوراتسياسى جوباعا 6 ملن كولەمىندە قارجى ءبولىپ وتىر. ول قارجى كونكۋرستا جەڭىمپاز اتانعان اۆتورلارعا جۇلدە رەتىندە ۇلەستىرىلىپ، قالعانى كىتاپ شىعارۋعا جۇمسالاتىن بولادى. بالالار ادەبيەتى - ولاردىڭ بولاشاعى، ءبىزدىڭ بولاشىعىمىز. سوندىقتان بۇل ىسكە ات ءۇستى قاراۋعا بولمايدى. بيىلعى جىلى وسى شارانى جاڭا دەڭگەيگە وتكىزۋگە كەلىسىم بەرىپ، قولعا الىپ وتىرعان «باۋىرجان» قايىرىمدىلىق قورىنا راحمەتىمىزدى ايتامىز، - دەدى.
ءوز كەزەگىندە "دارابوز" كونكۋرسىنىڭ باستاماشىسى، قازاقستان جازۋشىلار وداعىنىڭ مۇشەسى، بالالار جازۋشىسى شاكەن كۇمىسبايۇلى كونكۋرستىڭ ءادىل وتەتىن ايتتى. بۇگىنگە دەيىن اۆتورلار شىعارمالاردى جاسىرىن اتپەن جىبەرىپ كەلگەن بولسا، بيىلدان باستاپ اشىق كونكۋرسقا اينالاتىن بولادى.
- ءوز باسىم كونكۋرستىڭ ەكى تىلدە وتەتىنىن قولدايمىن، – دەدى سپيكەر، قوعام قايراتكەرى سوفيا راەۆا. - ەلباسىمىز ايتقانداي، ەڭ باستىسى - بىرلىك! ءوز تاجىريبەمنەن بەلگىلى بولعانداي، ءبىزدىڭ قوعامدا ورىس ءتىلدى وقىرمان بالالار مەن ورىس ءتىلدى جازۋشىلار جەتكىلىكتى. قولداۋ بولسا، بولاشاقتا قازاق سالت-ءداستۇرىن، عۇرپىن جالپاق جۇرتقا تانىتاتىن شىعارمالار كوپتەپ دۇنيەگە كەلەدى دەپ سەنەمىز.
سونىمەن قاتار، قوعام قايراتكەرى ء ومىر تۋرالى، وتانعا سۇيىسپەنشىلىك تۋرالى كىتاپتاردىڭ ازدىعىن ايتا كەلىپ: "جازۋشى دەگەن قىسقا مەرزىمدە اقشاعا جاساپ شىعارۋعا بولاتىن ءارتىس نە ءانشى ەمەس، ولار تۋما تالانت، سوندىقتان جازۋشىلاردى باعالاي ءبىلۋ كەرەك". - دەدى.
ءباسپاسوز كونفەرەنتسيا بارىسىندا ءمالىم بولعانىنداي، بيىلعى كونكۋرستىڭ جەڭىمپازدارىنا تاعايىندالاتىن جۇلدە قورى تومەندەگىدەي:
- گران پري (بىرەۋ) - 1 000 000 تگ + كىتاپ شىعارۋ ءۇشىن باسپامەن كەلىسىم-شارت
- 1 ورىن (ەكەۋ) - 700 000 تگ + كىتاپ شىعارۋ ءۇشىن باسپامەن كەلىسىم- شارت
- 2 ورىن (ەكەۋ) - 300 000 تگ + كىتاپ شىعارۋ ءۇشىن باسپامەن كەلىسىم- شارت
- 3 ورىن (ەكەۋ) - 200 000 تگ + كىتاپ شىعارۋ ءۇشىن باسپامەن كەلىسىم- شارت
- بالالار ادەبيەتىن دامىتۋعا قوسقان ۇلەسى ءۇشىن (بىرەۋ)
«دارابوز- 2015»
حالىقارالىق بالالار جازۋشىلارى كونكۋرسىنىڭ تالاپتارى
جالپى تالاپتارى
«دارابوز» حالىقارالىق بالالار جازۋشىلارى كونكۋرسى (ارى قاراي كونكۋرس) 2015 جىلدىڭ 20 ءساۋىرى مەن 20 مامىرى ارالىعىندا وتەدى.
ماقساتى مەن مىندەتتەرى
1. جاس جازۋشىلار مەن بالالار جازۋشىلارىن تانىمال ەتۋ;
2. وسكەلەڭ ۇرپاقتىڭ ادەبيەتكە دەگەن سۇيىسپەنشىلىگىن وياتۋ، قازاق بالالار ادەبيەتىنە قولداۋ كورسەتۋ;
3. بالالار جازۋشىلارىنىڭ بەدەلىن كوتەرۋ جانە بالالار ادەبيەتىنىڭ دامىتۋ
ۇيىمداستىرۋ كوميتەتى
ۇيىمداستىرۋ كوميتەتى قۇرامىنا كونكۋرستىڭ قۇرىلتايشىلارى، سەرىكتەستەرى مەن دەمەۋشىلەرى، قىزىعۋشىلىق تانىتقان ۇيىم وكىلدەرى.
پرەميانىڭ ۇيىمداستىرۋ كوميتەتى كونكۋرستى جانە جەڭىمپازداردى ماراپاتتاۋ سالتاناتى كەشىن ۇيىمداستىرادى.
ۇيىمداستىرۋ كوميتەتى كونكۋرسقا جىبەرىلگەن شىعارمالارعا پىكىرساراپ جاسامايدى، اۆتورلارىنا قايتارمايدى. سونىمەن قاتار، ۇيىمداستىرۋ كوميتەتى كونكۋرسقا ۇسىنىلعان شىعارمالارعا بايلانىستى اۆتورلارمەن پىكىر الماسپايدى.
ۇيىمداستىرۋ كوميتەتى مەن قازىلار القاسىنىڭ مۇشەلەرى كونكۋرسقا قاتىسا المايدى.
ۇيىمداستىرۋ كوميتەتى www.daraboz.org. www.baurzhan.kz جانە www.zhersu.kz سايتتارىنىڭ وقىرماندارى تاراپىنان جوعارى باعا العان شىعارما اۆتورلارىنا حابارلاپ، ماراپاتتاۋ كەشىنە شاقىرادى.
كونكۋرستىڭ باس دەمەۋشىسى
- «ZHERSU» كورپوراتسياسى
ۇيىمداستىرۋشىلار، سەرىكتەستەر
- «باۋىرجان» قورى
- قازاقستان جازۋشىلار وداعى
- ء«داۋرىر»، «اتامۇرا»، «الماتىكىتاپ» باسپا ۇيلەرى
جەڭىمپازداردى انىقتاۋ جانە ماراپاتتاۋ رەتى
جەڭىمپازدار قازىلار القاسىنىڭ داۋىس بەرۋىمەن انىقتالادى. قازىلار وتىرىسى 25 مامىر كۇنى وتەدى.
قازىلار القاسىنان ەڭ كوپ داۋىس جيناعان اۆتور كونكۋرس جەڭىمپازى بولىپ تانىلادى، ياعني گران-پري جۇلدەگەرى. جەڭىمپازدان تومەن، بىراق باسقا كونكۋرسانتتاردان جوعارى داۋىس جيناعان اۆتورلار 1,2,3 ورىنداردى يەلەنەدى (ورىندار مەملەكەتتىك ءجان ورىس تىلىندە بولەك-بولەك تاعايىندالادى).
داۋىس بەرۋ قورىتىندىسى قاتىسۋشىلاردى رەسمي تۇردە ماراپاتتاۋ كەشىنە دەيىن جاريالانبايدى.
ۇيىمداستىرۋ كوميتەتى قاتىسۋشىلارمەن پىكىر الماسپايدى جانە جاريالانعان شەشىم سوڭعىسى بولىپ ەسەپتەلەدى.
پرەميا جەڭىمپازدارىنا ديپلومداردى، اقشالاي جۇلدەرلەرى الماتى ق. 2015 ج. 1 ماۋسىمدا وتكىزىلەتىن پرەميا قاتىسۋشىلارىن ماراپاتتاۋ سالتاناتتى كەشىندە تابىستايتىن بولادى.
قونكۋرس جەڭىمپازدارىن ماراپاتتاۋ سالتاناتتى كەشى وتەتىن ورىنعا جەتۋ شىعىندارىن كونكۋرسقا قاتىسۋشى ءوز موينىنا الادى.
بارلىق شىعارمالار www.daraboz.org. سايتىندا جاريالانادى.
پرەمياعا قاتىسۋشىلار
پرەميا ۇمىتكەرلەرى 6-80 جاس ارالىعىنداعى كەز كەلگەن قاتىسۋشى بولا الادى.
پرەمياعا شىعارمالاردى تەك قانا ونىڭ اۆتورى/اۆتورلاسى عانا جولداي الادى. انونيمدىك شىعارمالار، شىنايى (پاسپورت بويىنشا) اتى كورسەتىلمەي، بۇركەنشىك اتپەن، ءۇشىنشى جاقپەن جولدانعان شىعارمالار قابىلدانبايدى.
شىعارمالار قازاق نە ورىس تىلدەرىندە جازىلعان بولۋى ءتيىس.
ءار قاتىسۋشى كونكۋرستىڭ ءبىر جانرى بويىنشا 3 شىعارماعا دەيىن جىبەرە الادى.
كونكۋرسقا الدىڭعى جىلدارى جىبەرىلگەن شىعارمالار قايتا قاتىستىرىلمايدى جانە قارالمايدى. سونىمەن قاتار، فاكس ارقىلى، قولمەن جازىلعان شىعارمالار جانە 2015 جىلعى كونكۋرس شارتىندا كورسەتىلمەگەن جانردا جازىلعان شىعارمالار قاراستىرىلمايدى جانە قاتىستىرىلمايدى.
ۇيىمداستىرۋ كوميتەتىنىڭ مۇشەلەرى كونكۋرسقا قاتىستىرىلمايدى.
جانرلار
- پروزا، پوەزيا، اڭگىمەلەر (ەرتەگىلەر)
جۇمىستاردى ۇسىنۋ ءتارتىبى
جۇمىستاردى كونكۋرسقا ۇسىنۋ ۇيىمداستىرۋ كوميتەتىنىڭ info@daraboz.org ەلەكتروندى ادرەسىنە حات جولداۋ ارقىلى جۇزەگە اسادى.
ءوتىنىش قابىلداۋ كەزەڭى 2015 جىلدىڭ 20 ءساۋىر مەن 20 مامىر ارالىعىن قۇرايدى.
ۇسىنىلاتىن شىعارمالارعا قويىلاتىن تالاپتار
كونكۋرستىڭ ءمانى قازاق جانە ورىس تىلىندە جازىلعان، كونكۋرس تالاپتارىنا ساي جەكە ادەبي شىعارماشىلىق جۇمىستار بولىپ تابىلادى.
كونكۋرسقا قاتىستىرىلاتىن شىعارمالار 2015 جىلدىڭ 20 ءساۋىر مەن 20 مامىر ارالىعىندا قابىلدانادى.
كونكۋرسقا قاتىسۋ ءۇشىن انكەتانى (قوسىمشا قۇجات) تولتىرىپ، وعان تالاپتارعا ساي رەسىمدەلگەن شىعارماشىلىق جۇمىستى تىركەپ جىبەرۋ كەرەك.
قاتىسۋشىلاردىڭ جەكە مالىمەتتەرى قۇپيا بولىپ سانالعاندىقتان، ءۇشىنشى جاققا بەرىلمەيدى.
جۇمىستاردى ەلەكتروندى تۇردە ۇسىنۋ ءۇشىن وڭدەۋ تالاپتارى
- شىعارمالار ەلەكتورندى تۇردە *.doc, *.docx (فايل فورماتى - Microsoft Word نەمەسە RTF, ءشريفتى Times New Roman نەمەسە Arial Cyrillic, شريفت كولەمى 12, جول ارالىق ينتەرۆال 1,5) بولۋى ءتيىس.
- بەت جيەكتەرى: سول جاعى 3 سم، جوعارعى جانە تومەنگى جاعى 2 سم، وڭ جاعى 1,5 سم;
- كونكۋرستىق جۇمىس كولەمى ارالىقتى قوسقاندا 20 000 بەلگىدەن اسپاۋى ءتيىس (ا4 فورماتىنداعى 12 بەتتەن اسپاۋى ءتيىس).
جۇمىستار كەلەسىدەي ولشەمدەر بويىنشا باعالانادى:
- قازاق سالتى، مادەنيەتى مەن تۇرمىسىنىڭ تولىق اشىلۋى;
- جانرعا سايكەستىگى;
- ءستيلدىڭ تىڭعىلىقتىعى;
- شىعارمانىڭ تاربيەلىك نەمەسە پاتريوتتىق ماعىنالىلىعى;
- شىعارما سيۋجەتىنىڭ قازاقستانمەن نەمەسە قازاق مادەنيەتىمەن ۇشتاسۋى.
ادەبي شىعارمالاردى قاراۋ بارىسىندا ولاردىڭ ادەبي-كوركەمدىك قۇندىلىعى، مازمۇننىڭ بىرىزدىلىگى، جازبا ءتىلىنىڭ ايقىندىلىعى مەن وبرازدىلىعى ەسەپكە الىنادى.
پرەمييا نوميناتسييالارى
- گران پري (بىرەۋ) - 1 000 000 تگ + كىتاپ شىعارۋ ءۇشىن باسپامەن كەلىسىم-شارت
- 1 ورىن (ەكەۋ) - 700 000 تگ + كىتاپ شىعارۋ ءۇشىن باسپامەن كەلىسىم- شارت
- 2 ورىن (ەكەۋ) - 300 000 تگ + كىتاپ شىعارۋ ءۇشىن باسپامەن كەلىسىم- شارت
- 3 ورىن (ەكەۋ) - 200 000 تگ + كىتاپ شىعارۋ ءۇشىن باسپامەن كەلىسىم- شارت
- بالالار ادەبيەتىن دامىتۋعا قوسقان ۇلەسى ءۇشىن (بىرەۋ)
شىعارمالاردى قولدانۋ
اۆتور، ءوز شىعارمالارىن كونكۋرسقا جولداي وتىرىپ، ۇيىمداستىرۋ كوميتەتى مەن ادىلقازى القالارىنىڭ شەشۋىمەن شىعارمالاردىڭ قازاقستان رەسپۋبليكاسىنىڭ كەز كەلگەن قالاسىندا جاريالانۋىنا توسقاۋىل بولا المايدى، ءارى اۆتورلىق گونورار تالاپ ەتە المايدى.
ۇيىمداستىرۋ كوميتەتىنىڭ بايلانىس قۇرالدارى :
ەلەكتروندى ادرەس: info@daraboz.org تەلەفون: 8 727 3 15 15 11
قوسىمشا بەت
- تەگى، اتى، اكەسىنىڭ اتى (پاسپورت بويىنشا):_________________________________
- جاسى، تۇرعىلىقتى مەكەن جايى: __________________________________________
- نەگىزگى باسىلىمدارعا نۇسقاۋ كورسەتىلە وتىرىپ جازىلعان قىسقاشا شىعارماشىلىق بيوگرافياسى: __________________________________________________________
______________________________________________________________________
______________________________________________________________________
______________________________________________________________________
______________________________________________________________________
______________________________________________________________________
- كەز كەلگەن قوسىمشا اقپارات (تەك قانا ۇيىمداستىرۋ كوميتەتىنە قولجەتىمدى): ______________________________________________________________________
______________________________________________________________________
______________________________________________________________________
- بايلانىس تەلەفونى، مەكەن جايى، e-mail (تەك قانا ۇيىمداستىرۋ كوميتەتىنە قولجەتىمدى): ______________________________________________________________________
______________________________________________________________________
______________________________________________________________________
اباي-اقپارات
