«نۇر وتان» پارتياسىنىڭ قوعامدىق قابىلداۋىندا تۇرعىن ءۇي قۇرىلىس جيناق بانكىنىڭ قىزمەتكەرلەرى ازاماتتاردى قابىلداي باستادى

ەندى قازاقستاندىقتار تۇرعىن ءۇي ماسەلەسىن شۇعىل تۇردە شەشۋگە مۇمكىندىك الدى. «نۇر وتان» حدپ قوعامدىق قابىلداۋىنا كەلىپ، مامانداردان كەڭەس سۇراۋىنا بولادى. كىم مەملەكەتتەن الەۋمەتتىك پاتەر الادى؟ باسپانانى تومەنگى پايىزبەن كرەديتكە قالاي ساتىپ الۋعا بولادى؟ ارزان تۇرعىن ءۇي ساتىپ الۋ ءۇشىن جيناق اقشانى قالاي ساقتاعان ءجون؟ وسى تاقىلەتتەس ءجيى قويىلاتىن سۇراقتارعا قتقجب وكىلدەرى تىكەلەي جاۋاپ بەرمەك.

سونىمەن قاتار، تۇرعىن ءۇي قۇرىلىس جيناق بانكى قىزمەتكەرلەرى  بانكتىڭ «نۇرلى جول» جاڭا ەكونوميكالىق ساياساتىن قولداي وتىرىپ، حالىقتىڭ قالىڭ جىگىن الەۋمەتتىك تۇرعىن ۇيمەن قامتاماسىز ەتۋ ءۇشىن قوسىمشا قانداي ءىس-شارا جاساپ جاتقانىن دا بايانداپ بەرۋگە ءازىر.

ءسوز جوق، تۇرعىن ءۇي ماسەلەسى مەن قولجەتىمدى پاتەر ساتىپ الۋ – بۇگىنگى كۇنگى ەڭ وتكىر ماسەلەلەردىڭ ءبىرى. سوندىقتان تۇرعىن ءۇي قۇرىلىس جيناق بانكى قىزمەتكەرلەرى  جانە «نۇر وتان» پارتياسىنىڭ مۇشەلەرى بىرلەسە وتىرىپ، قوعامدىق قابىلداۋدا تۇرعىندارعا كەڭەس بەرىپ جاتىر. ازاماتتاردىڭ ماسەلەسىن وسىلايشا تەزىرەك شەشۋگە بولادى.

قازىر حالىقتى «قولجەتىمدى تۇرعىن ءۇي–2020» باعدارلاماسىمەن سالىنعان نىسانداردىڭ ۋاقتىلى بەرىلۋ ماسەلەسى مەن پايدالانۋعا بەرىلەتىن  «الەۋمەتتىك» شارشى مەترلەردىڭ سانى تولعاندىرىپ ءجۇر. قتقجب-نىڭ حابارلاۋىنشا، 2015 جىلى پايدالانۋعا بەرىلەدى دەپ جوسپارلانعان بارلىق ۇيلەردىڭ قۇرىلىسى تولىق اياقتالىپ، ولارعا جاڭا پاتەر يەلەرى قونىستاناتىن بولادى.  بيىل بانك باعىتىمەن تۇرعىن ءۇي قۇرىلىس باعدارلاماسىن جۇزەگە اسىرۋعا ۇلتتىق قوردان 30 ميلليارد تەڭگە ءبولىندى. جەرگىلىكتى اتقارۋ ورگاندارىمەن جاسالعان كەلىسىمدەرگە سۇيەنسەك، «حالىقتىڭ بارلىق ساناتىنا ارنالعان تۇرعىن ءۇي» جانە «جاس وتباسىعا ارنالعان تۇرعىن ءۇي» اتتى ەكى باعىت بويىنشا 590 مىڭ شارشى مەتر پايدالانۋعا بەرىلمەك. 

«نۇر وتان» حدپ-نىڭ قوعامدىق قابىلداۋىندا تۇرعىن ءۇي قۇرىلىس جيناق بانكىنىڭ وكىلدەرى ادامداردى گرافيك بويىنشا ايىنا ءبىر رەت قابىلدايدى. قازاقستاننىڭ بارلىق وبلىستارىندا، سونداي-اق استانا جانە الماتى قالالارىندا دا تۇراقتى تۇردە كەڭەس وتكىزەتىن بولادى.

«نۇر وتان» پارتياسىنىڭ قوعامدىق قابىلداۋىندا «قازاقستاننىڭ تۇرعىن ءۇي قۇرىلىس جيناق بانكى» اق قىزمەتكەرلەرىنىڭ ازاماتتاردى قابىلداۋ كۇندەرىن مىنا سىلتەمەگە ءوتىپ، كورۋگە بولادى http://www.hcsbk.kz/kk/news/422-sotrudniki-zhilstroisberbanka-nachali-prinimat-grazhdan-v-obshchestvennyh-priemnyh-partii-nur-otan

اباي-اقپارات