كەشە اەروعارىش كوميتەتىنىڭ توراعاسى تالعات مۇساباەۆ ءماجىلىس دەپۋتاتتارىمەن كەزدەستى. مۇساباەۆتى عارىش سالاسىنداعى بىلگىرلىگىمەن تاڭ قالدىرعان بەلسەندى دەپۋتات تۇرسىنبەك ومىرزاقوۆ وعان «10 جىل ىشىندە قازاقستان عارىش سالاسىنداعى جوبالارعا، سونىڭ ىشىندە عارىش جۇيەلەرىنە $1,5 ملرد جۇمسادى، ال ول ەشقانداي پايدا اكەلگەن جوق»، دەپ «دۇرسە» قويا بەردى. دەپۋتاتتىڭ سوزىنە ورىس تىلىندە جاۋاپ بەرگەن مۇساباەۆتىڭ جاۋابىن قازتاگ قازاقشالاپ بەرىپتى. بىرگە وقيىق:   

«جاقسى ساۋال، مەن ءتىپتى سىزدە مۇنداي مالىمەتتىڭ قايدان جۇرگەنىنە قايران قالىپ وتىرمىن. بۇل نەگىزىندە قىزمەتتىك قولدانىس ءۇشىن، بىراق ەندى ءسىز (اقپاراتقا – قازتاگ) يە بولىپ وتىرعاسىن… ءبىزدىڭ اپپاراتتار باعا-ساپا كوەففيتسيەنتى بويىنشا، ماسەلەن، بۇگىندەرى كەڭ باسپاسوزدە جارنامالانىپ كەتكەن اراب امىرلىكتەرىنىڭ ساتىپ الىپ جاتقاندارىنان الدەقايدا جاقسى. اراب امىرلىكتەرى ساتىپ العالى وتىرعان ءبىر 0,6 رۇقساتنامالىق قابىلەتى بار اپپاراتتىڭ قۇنى 1 ملرد دوللاردى قۇرايدى. ءبىزدىڭ تۇتاس جۇيەمىز – ەكى جەرسەرىك جانە بارلىق جەر بەتىندەگى ينفراقۇرىلىم. مەن ءسىزدى مۇنىڭ نەندەي جۇيە ەكەنىن قاراۋعا شاقىرامىن – ول قالا، قۇنى 260 ملن ەۋرونى قۇرايدى».

«ەگەر رۇقساتنامالىق قابىلەتتەن باسقاسىن الساق – ول تەك كاسىپقويلار پايدالاناتىن پارامەترلەردىڭ ءبىرى عانا، ال وندا شەتەلدىك تۇرلەرگە قاراعاندا ءبىزدىڭ جەرسەرىكتەر جاقسى يگەرگەن ونداعان پارامەتر بار، ونىڭ ءمان-جايىن از تۇسىنەتىندەر ۇرىنىپ جاتادى. ءارى ولار اۆتوموبيل رەتىندە، شاباندوز رەتىندە ساتىپ الادى. ءبىزدىڭ ماماندار بارلىق ەگجەي-تەگجەيىن تۇبەگەيلى زەرتتەپ، جاساۋشى ماماندارمەن ءبىر تىلدە سويلەسەدى. ايتپاقشى، بۇل كەلىسىمگە جانە تەحنولوگيالاردى تاپسىرۋ تۋرالى كەلىسىم-شارتقا ەنگىزىلدى».
ء«بىز جاي عانا ساتىپ الۋشى ەمەسپىز. (…) مەن ءبىزدىڭ ماماندار، قازاقستاندىق، جوبالاۋدىڭ، دايىنداۋدىڭ تەحنولوگيالارىن تولىقتاي جانە سىناق تسيكلىن تەستىلەۋدىڭ تۇتاس تسيكلىن مەڭگەرسىن دەگەن مىندەت قويدىم. وسىلايشا ءبىز وسىنداي جۇيەنى الدىق».

ەستەرىڭىزگە سالا كەتەيىك. تۇرسىنبەك ومىرزاقوۆ: «سوڭعى 10 جىلدا قازاقستان عارىش سالاسىنداعى جوبالارعا 1,5 ملرد دوللار جۇمسادى، «بايتەرەك»، «يشيم»، «KazSat-1″ جوبالارى جابىلدى، ەشقانداي پايدا اكەلمەدى. ال، «KazEO Sat-1″-ءدىڭ دە پروبلەماسى بار. ايتىڭىزشى، ءبىزدىڭ اپپاراتتار شەتەلدىك انالوگتارىمەن سالىستىرعاندا قانشا تۇرادى؟» — دەپ سۇراق قويعان بولاتىن.

Abai.kz