Кеше Аэроғарыш комитетінің төрағасы Талғат Мұсабаев Мәжіліс депутаттарымен кездесті. Мұсабаевты ғарыш саласындағы білгірлігімен таң қалдырған белсенді депутат Тұрсынбек Өмірзақов оған «10 жыл ішінде Қазақстан ғарыш саласындағы жобаларға, соның ішінде ғарыш жүйелеріне $1,5 млрд жұмсады, ал ол ешқандай пайда әкелген жоқ», деп «дүрсе» қоя берді. Депутаттың сөзіне орыс тілінде жауап берген Мұсабаевтың жауабын ҚазТАГ қазақшалап беріпті. Бірге оқиық:   

«Жақсы сауал, мен тіпті сізде мұндай мәліметтің қайдан жүргеніне қайран қалып отырмын. Бұл негізінде қызметтік қолданыс үшін, бірақ енді сіз (ақпаратқа – ҚазТАГ) ие болып отырғасын… Біздің аппараттар баға-сапа коэффициенті бойынша, мәселен, бүгіндері кең баспасөзде жарнамаланып кеткен Араб Әмірліктерінің сатып алып жатқандарынан әлдеқайда жақсы. Араб Әмірліктері сатып алғалы отырған бір 0,6 рұқсатнамалық қабілеті бар аппараттың құны 1 млрд долларды құрайды. Біздің тұтас жүйеміз – екі жерсерік және барлық жер бетіндегі инфрақұрылым. Мен сізді мұның нендей жүйе екенін қарауға шақырамын – ол қала, құны 260 млн еуроны құрайды».

«Егер рұқсатнамалық қабілеттен басқасын алсақ – ол тек кәсіпқойлар пайдаланатын параметрлердің бірі ғана, ал онда шетелдік түрлерге қарағанда біздің жерсеріктер жақсы игерген ондаған параметр бар, оның мән-жайын аз түсінетіндер ұрынып жатады. Әрі олар автомобиль ретінде, шабандоз ретінде сатып алады. Біздің мамандар барлық егжей-тегжейін түбегейлі зерттеп, жасаушы мамандармен бір тілде сөйлеседі. Айтпақшы, бұл келісімге және технологияларды тапсыру туралы келісім-шартқа енгізілді».
«Біз жай ғана сатып алушы емеспіз. (…) мен біздің мамандар, қазақстандық, жобалаудың, дайындаудың технологияларын толықтай және сынақ циклын тестілеудің тұтас циклын меңгерсін деген міндет қойдым. Осылайша біз осындай жүйені алдық».

Естеріңізге сала кетейік. Тұрсынбек Өмірзақов: «Соңғы 10 жылда Қазақстан ғарыш саласындағы жобаларға 1,5 млрд доллар жұмсады, «Бәйтерек», «Ишим», «KazSat-1″ жобалары жабылды, ешқандай пайда әкелмеді. Ал, «KazEO Sat-1″-дің де проблемасы бар. Айтыңызшы, біздің аппараттар шетелдік аналогтарымен салыстырғанда қанша тұрады?» — деп сұрақ қойған болатын.

Abai.kz