جەتپىس توعىز جاسىنا قاراعان شاعىندا بەلگىلى قوعام قايراتكەرى، جازۋشى كارىشال اسانوۆ دۇنيە سالدى.

ول قازاق قوعامىنىڭ قۇلاعىنا تۇرپىدەي تيەتىن ديسسيدەنت اتاۋىن ارقالاپ ءومىر سۇرگەن ەرەكشە تاعدىر يەسى بولدى. ۇلتشىل، مەملەكەتشىل تۇلعا رەتىندە ۇنەمى اقيقاتتى ايتۋعا تىرىستى ءھام سول ارەكەتى ءۇشىن قۋعىن كوردى. كارىشال اقساقال 1992 جىلى «قازاقستان پرەزيدەنتى نۇرسۇلتان نازارباەۆتىڭ ار-نامىسىن قورلاعان» دەگەن ايىپپەن بىرنەشە اي اباقتىدا وتىردى. سوت ونى بەس جىلعا باس بوستاندىعىنان ايىرۋعا ۇكىم شىعارىپ، كەيىن قايتا اقتادى. ال، 2001 جىلى ەلباسىن سىناعان ماقالاسى ءۇشىن قايتادان جاۋاپكەرشىلىككە تارتىلعان بولاتىن. بۇل جولى اسانوۆ ءوزىنىڭ اقيقاتىن سوتتا دالەلدەپ، جەڭىپ شىققان ەدى.

قولىنان قالامى تۇسپەگەن جازۋشى رەتىندە تانىلىپ، بىرنەشە كىتاپ جازدى. ول ناعىز حالىقشىل تۇلعا ەدى. اتقارۋشى بيلىككە اياۋسىز سىن ايتا ءجۇرىپ، وپپوزيتسيا وكىلدەرىمەن دە ءبىر تۋدىڭ استىنان تابىلمادى. اتاق قۋمادى، قىزمەت سۇرامادى. اسانوۆتىڭ اتاق-ابىرويى تۋرالى ايتۋعا وقتالعاندا، ونىڭ 1993 جىلى قۋعىندالعان جازۋشىلارعا بەرىلەتىن حالىقارالىق حەللمان-حەممەتت سىيلىعىن العاندىعى مەن وتاندىق وپپوزيتسيا تاعايىنداعان «ازاتتىق» سىيلىعىنىڭ يەگەرى ەكەندىگىن عانا ايتا الامىز.

كارىشال اسانوۆپەن قوشتاسۋ 28 ناۋرىزدا الماتىدا وتەدى.

Abai.kz پورتالىنىڭ رەداكتسياسى مارقۇم كارىشال اسانوۆتىڭ وتباسى مەن تۋعان-تۋىستارىنا ورنى تولماس قازاعا بايلانىستى قايعىرىپ كوڭىل ايتادى.