استانا تورىندە ءوتىپ جاتقان  قازاقستان رەسپۋبليكاسى، بەلارۋس رەسپۋبليكاسى جانە رەسەي فەدەراتسياسىنىڭ پرەزيدەنتتەرىنىڭ ۇشجاقتى كەزدەسۋىندە قانداي ماڭىزدى تاقىرىپتار تالقىلانباق؟ ەل نازارىن اۋدارعان وسى سۇراققا بۇگىن اقوردادا رەسەي فەدەراتسياسىنىڭ پرەزيدەنتى ۆلاديمير پۋتينمەن كەزدەسۋ بارىسىندا ەلباسى نۇرسۇلتان نازارباەۆ جاۋاپ بەردى. 

- وتكەن جىل ءتۇرلى وقيعالارعا تولى بولدى. ءبىز ءوز اينالامىزدا ەۋرازيالىق ەكونوميكالىق وداق ماسەلەسىن تالقىلاپ، ونى اياعىنا دەيىن جەتكىزدىك. 1 قاڭتاردان باستاپ ول ءوز جۇمىسىن باستادى. وكىنىشكە قاراي، وداق الدىنان ۇلكەن سىناقتار شىقتى، ياعني ەكسپورتتىق باعالار، اسىرەسە، رەسەي مەن قازاقستاندا تومەندەدى. مۇناي مەن باسقا دا ەكسپورتتىق بۇيىمدار قۇنى ازايدى. بۇل تومەندەۋلەر بار جانە ءبىز وسىنداي تاۋەكەلدەر بولاتىنىن بىلدىك. باعالار بويىنشا ۇيلەسپەۋشىلىك تولقۋى بولدى. وسى ورايدا سىزگە العىسىمدى ايتامىن، ويتكەنى ءبىزدىڭ كەلىسىمىمىزدەن كەيىن بارلىعى تۇراقتالدى، - دەدى كەزدەسۋدە نۇرسۇلتان نازارباەۆ.

وسى ەكەۋارا اڭىگمەدە ۋكرايناداعى جاعداي دا  تالقىعا ءتۇستى.

جالپى، ءۇش جاقتى كەزدەسۋدە ەۋرازيالىق وداق اياسىنداعى شەشىمىن كۇتكەن كوپتەگەن جايتتاردىڭ ءتۇيىنى تارقاتىلادى دەپ كۇتىلۋدە. سونداي-اق، بۇل اقىلداسۋ اياسىندا جەڭىستىڭ 70 جىلدىعىن اتاپ وتۋگە دايىندىق شارالارى، الەمدەگى جانە وڭىردەگى احۋال، سونداي-اق ەاەو-نىڭ داعدارىستى ەڭسەرۋ قادامدارى ءسوز بولۋدا.

اباي-اقپارات.