تەحنولوگيا دامىعان سايىن زەرتتەۋ جانە جازۋ جەڭىلدەپ كەلەدى. سوڭعى كۇندەرى اندرويد تەلەفوندارمەن جازۋلارىمدى پەرنەتاقتاعا باسۋ ارقىلى ەمەس، قالتا تەلەفونعا سويلەۋ ارقىلى جازۋعا ۇيرەندىم. وكىنىشكە وراي، بۇل جۇيە ءالى قازاق تىلىندە جوق، اعىلشىن، نەمىس، ورىس سەكىلدى باتىستىق جانە قىيىر شىعىس تىلدەرىندە بار. قۋانىشقا وراي تۇرىك تىلىندە بار. تۇرىكشە وسىلاي جازۋعا بولادى. بىراق تەلەفون قاتەلىكتەر جىبەرمەي قويمايدى، ولاردى تۇزەتۋ ءۇشىن قالتا تەلەفونعا سىمسىز bluetooth پەرنە تاقتا قولدانامىن. وسىلايشا ساندىق تەحنولوگيامەن زەرتتەۋ جانە ەڭبەك جازۋ جەڭىل جانە راحات.

سويلەگەندى جازاتىن جۇيە وكىنىشكە وراي windows (تەرەزە) جۇيەسىمەن ىستەيتىن ۇستەل ءۇستى جانە تىزە ۇستى كومپيۋتەرلەردە جوق. بۇل، ءاندروىد جۇيەسى مەن ىستەيتىن ۇلى تەلەفوندار مەن پلانشەتتى كومپيۋتەرلەردە بار. Iphone ۇيالى تەلەفوندارعا بۇل جۇيەگە بيىل قانا قوسىلىپ وتىر.

ۇلى تەلەفون نەمەسە پلانشەتتى كومپيۋتەرلەرمەن مۇنداي جازۋ جۇيەنى اركىم ءوزى ورناتا الادى. مۇنىڭ ءۇشىن “گليف” دەگەن قالتا تەلەفونى ۇستايتىن شاعىن اپارات، جانە ءۇش اياك (تريپود) كەرەك. قۇلاققا سالاتىن ميكروفون اسا قاجەت ەمەس. ۇزاق ۋاقىت جۇمىس ىستەگەندە باتەريانىڭ ءبىتىپ قالۋىندا قاجەتتى قوسىمشا ءپورتاتيۆتى زاريادتاۋ اپپاراتى العان دۇرىس.

ءوزىم تۇرىك تىلىندە “F” ۇلگىسىندە پەرنەتاقتا قولدانامىن. مۇنى 10 ساۋساقپەن پەرنەتاقتاعا قاراماي تەز جازامىن. وكىنىشكە وراي، ءاندروىد تەلەفوندارىندا ول جۇيە جوق. “Q" ۇلگىسىندەگى جۇيە بار. الايدا، ماسەلەنىڭ شەشىمى قىيىن ەمەس. ول ءۇشىن "External Keyboard Helper" دەپ اتالاتىن باعدارلامانى ورناتامىز.

بۇل باسقا دا ونەرلەرى بولعان ءبىر باعدارلاما. مۇندا قاجەتتى پارامەترلەردى ورناتقاننان كەيىن پەرنەتاقتادا وزىڭىز بەلگىلەگەن بىر تۇيمەگە باسۋ ارقىلى سويلەگەندى وزى جازاتىن جۇيەگە نەمەسە پەرنەتاقتامەن جازاتىن جۇيەگە وپ-وڭاي اۋىسۋعا بولادى. سويلەپ جازعان تۇستا شىققان ءارىپ نەمەسە ەملە قاتەلىكتەرىن تۇزەتۋ ءۇشىن وسىلايشا دەرەۋ پەرنەتاقتا جۇيەسىنە وتۋگە بولادى.

ساندىق تەحنولوگيانىڭ زەرتتەۋلەردى وڭايلاستىراتىن باسقا دا قىرلارى كوپ. ءبىز بۇل ماقالادا تەك سويلەگەندى جازۋ جاعىنا توقتالدىق. وزگە قىرلارىن دا تانىستىراتىن ماقالالار كەيىن جازاتىن بولامىز. ءتىپتى سولاردىڭ بارلىعىن قامتىپ “ساندىق تەحنولوگيا جانە الەۋمەتتىك عىلىمدار” دەگەن اتپەن ءبىر كىتاپ جازۋ دا ويدا بار.

زامان باسەكە مەن وزگەرىستەر كوپ بولعان زامان. وسى زامانعا سايكەس ەڭبەكتى تەز جازىپ ۇلگەرۋ كەرەك. وسىندايدا تەحنولوگياعا جۇگىنگەن دۇرىس. سوندىقتان ساندىق تەحنولوگيامەن زەرتتەۋ جانە ەڭبەك جازۋ جەڭىل جانە راحات بولعانىمەن بارعان سايىن قاجەتتىلىككە اينالادى دەپ ويلايمىن.

ابدىۋاقاپ قارا

تاريح عىلىمىنىڭ دوكتورى،

ميمار سينان كوركەم ونەر ۋنيۆەرسيتەتىنىڭ پروفەسسورى.

Abai.kz