قر پرەزيدەنتتىگىنە كانديدات بولىپ كوممۋنيستىك حالىق پارتياسى اتىنان ۇسىنىلعان ۇمىتكەر بۇگىن سىناق تاپسىرىپ، لينگۆيستيكالىق كوميسسيا سىناعىنان سۇرىنبەي ءوتتى. كوممۋنيستەردىڭ كانديداتى ەمتيحان تاپسىرۋعا ءبىرىنشى بولىپ كەلگەن ەدى. سىناق 3 كەزەڭنەن تۇردى. العاشقى، شىعارما جازۋ تاپسىرماسى بويىنشا تۇرعىن سىزدىقوۆ ء«بىزدىڭ كۇشىمىز بىرلىكتە» دەگەن تاقىرىپ اياسىندا ءوز ويىن تولىق جازىپ، جاقسى باعا العان.

كوممۋنيست تۇرعىن سىزدىقوۆ – پارتيا اتىنان ەمتيحان تاپسىرىپ وتىرعان العاشقى ۇمىتكەر. وسى كۇنگە دەيىن لينگۆيستيكا كوميسسياسى الدىنا تەك ءوزىن-ءوزى ۇسىنعان ازاماتتار كەلگەن بولاتىن. ال، قر پرەزيدەنتىگىنەن ۇمىتكەرلىككە ءوتىنىش بەرگەن 14 ۇمىتكەردىڭ ازىرگە تەك ەكەۋى عانا لينگۆيستيكالىق كوميسسيا ەمتيحانىنان ءوتتى. الدا ولاردى ورتالىق سايلاۋ كوميسسياسى بەرگەن ارنايى پاراققا قولداۋشىلاردىڭ قولىن جيناۋ ناۋقانى كۇتىپ تۇر.

اباي-اقپارات.