ҚР Президенттігіне кандидат болып Коммунистік Халық партиясы атынан ұсынылған үміткер бүгін сынақ тапсырып, лингвистикалық комиссия сынағынан сүрінбей өтті. Коммунистердің кандидаты емтихан тапсыруға бірінші болып келген еді. Сынақ 3 кезеңнен тұрды. Алғашқы, шығарма жазу тапсырмасы бойынша Тұрғын Сыздықов «Біздің күшіміз бірлікте» деген тақырып аясында өз ойын толық жазып, жақсы баға алған.

Коммунист Тұрғын Сыздықов – партия атынан емтихан тапсырып отырған алғашқы үміткер. Осы күнге дейін лингвистика комиссиясы алдына тек өзін-өзі ұсынған азаматтар келген болатын. Ал, ҚР Президентігінен үміткерлікке өтініш берген 14 үміткердің әзірге тек екеуі ғана лингвистикалық комиссия емтиханынан өтті. Алда оларды Орталық сайлау комиссиясы берген арнайы параққа қолдаушылардың қолын жинау науқаны күтіп тұр.

Абай-ақпарат.