ء«بىر قۋانتارلىق جاعداي، ۇلت­تىق بانك توراعاسى دوللارسىزدانۋ ما­سە­لە­سىمەن اينالىسا باستادى. وتە قۇپتار­لىق قادام. كوممەرتسيالىق بانكتەردىڭ سىرتقى اكتيۆ­تەرىن شەكتەۋگە كۇش سالدى. تەڭگەمەن ساقتايتىن دەپوزيتتەردىڭ ۇستەپ كورەكتەن­دىرۋ مولشەرلەمەسىن 10 پايىزعا كوتەردى. ال دوللارمەن ساقتالاتىندى 4 پايىزعا ءتۇسىردى. ەندى، مىنە، 3 پايىزعا تو­مەندەمەك. مۇنىڭ ءوزى تەڭگە ءرولىنىڭ كۇ­شەيۋى­نە جول اشۋ ەدى. سونداي-اق دوللارمەن دەپوزيت ساقتاۋعا دا شەكتەۋ قويىلدى. ءبىر بانككە 500 مىڭ دوللاردان ارتىق دەپوزيت سالا المايسىڭ. بۇل دا تەڭگەنى قولداۋ بولىپ تابىلادى. دوللاردان قۇتىلاتىن بولساق، ەكونوميكا تۇراقتى بولادى. قار­جى سالاسى تۇراقتانادى. سونداي-اق الەم­دىك قارجى جۇيەسىندە تۋىنداعان ۆاليۋ­تالىق سپەكۋليا­تسيا­دان قۇتىلامىز. وتان­­دىق ءوندىرىس دول­لار­دان ادا بولعان كەزدە دامۋى دا ارتپاق. ەشقانداي الەمدىك قارجىلىق داعدارىستا ەلىمىزگە اسەرى بولمايدى. قىسقاسى، دول­لار­­دى ىعىستىرۋ ارقىلى ءبىز كوپ مۇمكىن­دىككە يە بولامىز. تاعى ءبىر ماسەلە، قولما-قول اقشاسىز تو­لەم­دەر اياسىن كەڭەيتۋ. بۇل دا دۇرىس شە­شىم. ال باعانى شەتەل ۆاليۋتا­سىندا كور­سەتۋگە تىيىم سالۋ باياعىدا قا­جەت ەدى. بۇل ناعىز قىلمىس بولاتىن. نەگە ەكەن، كەشەگە دەيىن ءبىز بارىنە كوز جۇ­مىپ كەلدىك. قۇقىق قورعاۋ ورىندارى قايدا قاراپ كەلدى؟ تۇسىنىكسىز. تاۋەلسىز ەلدىڭ ىشكى ساۋدا-سات­تى­عى تەك ۇلتتىق ۆاليۋتامەن عانا ءجۇرۋى كە­رەك ەدى. كەش تە بولسا، قولعا الىپ جا­تىر­مىز. بۇل – دوللارمەن كۇرە­سۋدىڭ ال­عاش­قى قادامدارى. ءالى دە كوپ جۇمىس اتقارىلۋ قاجەت...» 

(قارجىگەر-ساراپشى Iلياس يساەۆتىڭ «ايقىن» گازەتىنە بەرگەن سۇحباتىنان)