«بتا-يپوتەكا» اق دەگەن يپوتەكالىق ۇيىم بولىپ، جۇرتتى يپوتەكاعا قارىق قىلعانىنان كوبىمىز حاباردارمىز. ونىڭ يپوتەكا بەرۋ شارتى ازاماتتارىمىزدى القىمىنان الىپ، ءوسىمى بەرگەن سومادان ەسەلەپ اسىپ جاتقانىن دا بىلەمىز. اقىرىندا، «كوپ اسقانعا ءبىر توسقان» بولىپ قارجىلىق باقىلاۋ اگەنتتىگى وسى كومپانيانىڭ بانكتىق ءىس-ارەكەت جاساۋ جونىندەگى ليتسەنزياسىن زاڭنامالاردى بۇزعانى ءۇشىن 2010 جىلدىڭ 26 ناۋرىزىنا دەيىن توقتاتىپ تاستاعان. وسىعان «رەنجىگەن» بولۋى كەرەك، كومپانيا ليتسەنزياسىن ءوز ەركىمەن قايتارىپ بەرىپ، بانكتىق ءىس-ارەكەت جاساۋدى توقتاتقان. دەمەك، وسى ليتسەنزياسىن بەرگەن ساتتەن باستاپ كومپانيا «بانك جانە بانكتىق ءىس-ارەكەت تۋرالى» زاڭعا سايكەس ءتۇسىم الۋعا قاقى جوق. ەندى ونىڭ جۇرتقا يپوتەكا بەرگەن ءىس-ارەكەتى ۇلتتىق بانكتىڭ نومالارىمەن ەمەس، ازاماتتىق كودەكستىڭ تارماقتارىمەن ۇيلەستىرىلەدى. ال بۇل كودەكستە قارىزعا العان اقشانىڭ قايتارىلۋ جانە ۋاقىتىندا قايتارماعاندا تولەنەتىن تۇراقسىزدىق ايىبى، سونداي-اق باسقا بىرەۋدىڭ قاراجاتىن زاڭسىز قولدانۋدىڭ جاۋاپكەرشىلىگى انىق جازىلعان. الايدا كومپانيا وزىنەن قارىز الۋشىلاردان ءوسىمدى بۇرىنعىشا وكىرتىپ الۋىن قويار ەمەس.

ءماجىلىستىڭ سوڭعى وتىرىسىندا دەپۋتات ايقىن قوڭىروۆ وسى ماسەلەلەردى ايتا كەلىپ، باس پروكۋرور ا.داۋىلباەۆتىڭ اتىنا دەپۋتاتتىق ساۋال جولداپ، ازاماتتاردىڭ قۇقىن قورعاۋ ءۇشىن پروكۋرورلىق قاداعالاۋ شاراسىن جاساۋدى سۇرادى. ەندىگى ءسوزدى پروكۋراتۋرا ورگاندارى ايتاتىن شىعار دەگەن ۇمىتتەمىز.

سەرىك ەلەۋ،

ساراپشى.

Abai. Kz