ءىرى كولەمدە پارا الدى دەگەن كۇدىكپەن سوتتالىپ جاتقان تابيعي مونوپوليالاردى رەتتەۋ اگەنتتىگىنىڭ ەكس-توراعاسى مۇرات وسپانوۆ 11 جىلعا باس بوستاندىعىنان ايىرىلۋى مۇمكىن. بۇرىنعى شەنەۋنىكتىڭ بىلىعىن دالەلدەپ، قاتاڭ جازا بەرۋدى ايىپتاۋشى جاق تالاپ ەتىپ وتىر.

مەملەكەتتىك ايىپتاۋشى وسپانوۆقا قاتىستى تالابىن ونىڭ دۇنيە-مۇلكىنە شەكتەۋ قويۋ بابىمەن دە تولىقتىرماق. قازىرگى كەزگە دەيىن مۇرات وسپانوۆتىڭ ۇلەستىك قاتىسى بار بىرنەشە جىلجىمايتىن مۇلىك پەن جەر تەلىمدەرى انىقتالعان. اتاپ ايتقاندا، سوتتالۋشىنىڭ استانا قالاسىنداعى جەراستى كولىك تۇراقتارى، جەر تەلىمدەرى جانە سەمەي قالاسى ماڭىنداعى القاپتارعا قاتىسى بارى دالەلدەنگەن. ايىپتاۋشى تاراپ بۇل يەلىكتەردەگى ۇلەستى تاركىلەپ، مەملەكەت ەسەبىنە قايتارۋدى تالاپ ەتۋدە. ەگەر سوت بۇل تالاپتى قاناعاتتاندىرسا وسپانوۆ مۇلىكتەرىنەن عانا ەمەس، جۇمىس كابينەتىندەگى پلانشەت پەن كومپيۋتەرىنەن، ءتىپتى قول ساعاتىنان دا ايىرىلادى...

ەسكە سالا كەتەيىك، مۇرات وسپانوۆ تابيعي مونوپوليالاردى رەتتەۋ اگەنتتىگىنىڭ توراعاسى بولىپ تۇرعان تۇستا قىزمەت بابىن اسىرا پايدالانىپ، پارا الىپ جاتقان كەزىندە قولعا تۇسكەن ەدى. شەنەۋنىكتى تۇتقىنداۋ كەزىندە ونىڭ سومكەسىنەن 37 000 اقش دوللارى تابىلعان بولاتىن.

اباي.kz