مەدۆەدەۆ پەن ناۆالنىي تۋرالى...
ارينە، قازىرگى كوررۋپتسيونەرلەردىڭ دە كوزى اشىق، ولار زامان تالاپتارىنان، سونىڭ ىشىندە مۇلىك پەن اقشانى قالاي تىعىپ قويۋ كەرەك ەكەنىن حاباردار، "اقىرىن ءجۇرىپ، انىق باسقىسى" كەلەدى. بالكىم، ناۆالنىيدىڭ فيلمىندە كورسەتىلگەن مۇلىك مەن بيزنەسكە رەسەي پرەمەرىنىڭ تىكەلەي قاتىسى بار قۇجاتتار تابىلماۋى دا مۇمكىن. ماسەلەن، ونىڭ ءبارى باسقا، وتباسىنا جاقىن ادامداردىڭ اتىنا جازىلۋى ىقتيمال.
ونداي جايت بىزدە دە بار ەكەنى انىق.
بىراق، "وتىرىكتىڭ قۇيرىعى ءبىر تۇتام" دەيدى اتام قازاق. بۇل ماقالدىڭ وسىنداي كولەڭكەلى سحەمالارعا دا تىكەلەي قاتىسى بار.
ايتپاقشى، بۇل ماسەلەنىڭ مورالدىق استارى تاعى بار. مەدۆەدەۆ - بيۋدجەتتەن ايلىق الىپ وتىرعان شەنەۋنىك قانا ەمەس، تۇتاس ءبىر مەملەكەتتىڭ ءبىر باسشىسى، ساياساتكەر. وسىنشاما ۋاقىت ۇندەمەي وتىرۋى، ەل الدىنا شىعىپ، وزىنە تاعىلعان ايىپتاردىڭ رەتسىز ەكەنىن ايتا الماۋى دا كوپ نارسەنى اڭعارتادى...
"تەوريا زاگوۆورا" دەگەن الەم مويىنداعان جورامال تاعى بار. بالكىم، مۇنىڭ ءبارى ءپۋتيننىڭ ءوز باستاماسى، ال، ناۆالنىي سول تاپسىرمانى ورىنداپ وتىرعانى بولۋى دا مۇمكىن. وندا "ديموننىڭ" جاعدايى ءتىپتى مۇشكىل. انە، دۋما مەن فەدەراتسيا كەڭەسىندەگىلەر پرەمەرگە قارسى ءسوز سويلەپ جاتىر ەمەس پە؟
ەندى وسى ءبىر شىم-شىتىرىق بوپ كورىنسە دە، تاپتاۋرىن بوپ تابىلاتىن سيۋجەتتى قازاقستانداعى قازىرگى جانە ەرتەڭگى جاعدايعا تەلىپ قويىپ، ءبىر ويلانىپ قويىڭىز...
ءامىرجان قوسانوۆ
Facebook-تەگى پاراقشاسىنان
