ءبىز ءۇشىن ول كەزەكتى حاباردىڭ ءبىرى ەدى. ەربول كومەك سۇراپ كەلدى. تىڭدادىق تا تۇسىرەمىز دەپ شەشتىك. ءتۇسىرىپ ەفيرگە شىعاردىق تا ارى قاراي كەلەسى حابارلاردىڭ قامىمەن شاپقىلاپ كەتتىك. سودان بەرى ءبىر اپتا ءوتتى. ەربولدىڭ «جىرى» ءالى تاۋسىلعان جوق.

ول تۇسكەن «ءتاڭىرى قوسقان جار ەدىڭ سەن» حابارىن يۋتۋبتا 127 مىڭ ادام كورىپتى.

حاباردان كەسىلىپ الىنعان ۇزىك بەينەلەر ۆاتساپ جەلىسىندەگى توپتان توپقا كوشىپ ءجۇر.

فەيسبۋكتا ءبىرتالاي ادام وعان پوست ارنادى.

كەزدەسكەن، سويلەسكەن ادامنىڭ كوبى سونى ايتادى.

ەربولدى اركىم وزىنشە ءتۇسىندى. داتتاۋشىلار كوپ. اياۋشىلىق ءبىلدىرىپ، تۇسىنگەندەر دە بارشىلىق. كۇلكىگە اينالدىرعاندار دا جەتەدى. "ۇلتتىق ارنا وسىنداي وتباسىلىق «ۇساق» ماسەلەنى ەفيرگە نەگە شىعاردى؟" دەۋشىلەر دە بولدى.

ايەل ساباۋشى «باتىرلار» تۋرالى بۇرىن دا حابارلار جاسادىق قوي. ولاردىڭ ەشقايسىسى مۇنداي رەزونانس تۋدىرعان جوق. ال ەربولعا نەلىكتەن ەلدىڭ نازار اۋدى؟ ءسىز قالاي ويلايسىز؟ ەربولدىڭ فەنومەنىنە تەرەڭىرەك ءۇڭىلىپ كورىڭىزشى...

P.S. «ەربولدىڭ فەنومەنىن» ءوزىم جازىپ تاستاعىم كەلگەن. ۋاقىت جوق. كەلەسى حاباردى ءتۇسىرۋ كەرەك. كەزەكتى كەيىپكەر كۇتىپ تۇر. بىراق، ەربولعا ءبىر ورالام...

بەيسەن قۇرانبەك

Facebook-تەگى پاراقشاسىنان