ازاتتىق ءتىلشىسىنىڭ حابارلاۋىنشا، جينالعاندار سوتتىڭ الدىندا ء"ۇي ماسەلەسىمەن بانكتىڭ قىسىمىنا شىداماي" ءتۇرلى جاعدايدا قايتىس بولىپ كەتكەن جەتى ادامدى ەسكە الماق بولعان. جينالعاندار قايتىس بولعان جەتى ادامنىڭ سۋرەتتەرىن سوتتىڭ الدىنا قويىپ، ولاردى ەسكە الىپ قۇران وقي باستاعان. سول ساتتە ولارعا قالالىق ىشكى ساياسات باسقارماسى مەن پروكۋراتۋرانىڭ وكىلدەرى كەلىپ، ول جەردىڭ قۇران وقيتىن جەر ەمەسىن ايتىپ، شارانى توقتاتۋدى سۇرادى. جينالعاندار وزدەرىنىڭ ەشقانداي اكتسيا، جيىن وتكىزىپ جاتپاعانىن، تەك مارقۇمداردى ەسكە الۋ ءۇشىن جينالعانىن ايتقان. بىراق بيلىك وكىلدەرى ەسكە الۋ شاراسىن توقتاتۋدى تالاپ ەتكەن سوڭ ۇلەسكەرلەر قۇران باعىشتاۋدى توقتاتىپ، تاراتپاققا الىپ كەلگەن جەتى ناندارىن سول كۇيى ۇلەستىرە المادى.

ءوزىن بانكتەن يپوتەكا ارقىلى ءۇي الدىم دەگەن ارزىگۇل تەللاەۆا بۇگىن ساعات 10-دا يپوتەكاعا ءۇي العان يبراگيموۆ دەگەن تۇرعىننىڭ سوتى بولاتىنىن، سوعان قولداۋ بىلدىرۋگە جينالعاندارىن ايتتى. ونىڭ سوزىنشە، بانكتەردەن يپوتەكاعا ءۇي الىپ، قارىزىن تولەي الماي جۇرگەندەر قازاقستان ۇلتتىق بانكىنە كومەك سۇراپ حات جازعان. بىراق ۇلتتىق بانك ولارعا "ەكىنشى دەڭگەيلى بانكتەردىڭ ىسىنە ارالاسا المايتىنىن" ايتىپ جاۋاپ بەرگەن.

ازاتتىق راديوسى