باۋكەڭنىڭ ەلەسى نەمەسە "قوپارىپ" سويلەيتىن قاتىندار
باۋىرجانتانۋشى مامىتبەك قالدىبايدىڭ «اتقوسشى» دەگەن اڭگىمەسىندە داستارحان باسىندا وتىرعان ازاماتتاردى باۋكەڭنىڭ «سەندەر اتا جولىن ۇمىتتىڭدار!» سوگەتىنى بار. سول سياقتى اتا جولىنان، ءداستۇر-سالتىمىزدان اجىراتاتاتىن ۋاقيعالار اتتەڭ-اي دەگىزەدى. تاياۋدا وتە ءبىر قۇرمەتتەيتىن ءىنىمىزدىڭ قازاسىنا بايلانىستى قۇدايى اسقا قاتىستىق. سول جەردە سۋىرىلىپ تۇرعان ءبىر ايەل داستارحاندى جۇرگىزسىن. داۋىسى نىق، شەگەلەگەندەي. قۇران وقىلماي تۇرىپ ال ءبىر جارتى ساعات كوسىلدى دەيسىز. اۋىزدىعا ءسوز، اياقتىعا جول بەرمەيتىن ءتۇرى بار. «ءبىز قوپارىپ سويلەيتىن، قوتارىپ سويلەتىن ادامدارمىز» دەيدى.
جۇرگىزگەنىندە ءمىن جوق. ەشكىمنىڭ اۋزىن اشتىرمايدى. داستارحان باسىندا سىبىر-كۇبىر اڭگىمە شىقتى. «شاريعاتتا ايەل ادامدى ءتىپتى جەرلەۋگە دە قاتىستىرماۋشى ەدى، ايەل ادامنىڭ قازا داستارحانىن جۇرگىزگەنى نەسى؟» دەستى. ءبىز دە ويلانىپ قالدىق. شىنىمەن دە توي ەمەس، قۇدالىق ەمەس، ايەل ادامنىڭ وزەۋرەپ قازا داستارحانىندا سامپىلداۋى كورەر كوزگە دە، ەستىگەن قۇلاققا دا جاعىمسىزداۋ كورىندى. سالت-ءداستۇردى ارداقتامايتىندار نە ۇيالىپ ءوزى قويمايدى، نە كەلگەن جۇرت ەشتەڭە ايتا المايدى. بوتەننىڭ داستارحانى بولعان سوڭ امالسىز شىدادى.
قازا داستارحانىن ايەل بيلەگەن سولەكەت جاعداي ءتىپتى ورىستاردا دا جوق. وسى جيىنعا باۋكەڭ قاتىسىپ وتىرعاندا عوي، «قوپارىپ» سويلەيتىن قاتىندار جىم بولار ەدى. ەندەشە باۋكەڭنىڭ ارۋاعىن سىيلاپ، ءبىز دە اتا جولىمىزدان اداسپايىق، اعايىن! قانشا جەردەن شەشەن بولسا دا، كوسەم بولسا دا قازا داستارحانىنىڭ تىزگىنىن ايەل-تامادالارعا بەرۋدەن اۋلاق بولايىق!
مارات توقاشباەۆ
Facebook-تەگى پاراقشاسىنان
