تۇركىمەنباشىنىڭ ءانى ازيادا -2017 ويىندارىنىڭ ءانۇرانى رەتىندە تاڭدالدى
تۇركىمەنستان پرەزيدەنتى گۋربانگۋلى بەردىمۇحامەدوۆتىڭ «العا، العا، تەك عانا العا، تۋعان ولكەم تۇركىمەنستان!» ءانى ازيادا -2017 ويىندارىنىڭ ءانۇرانى رەتىندە تاڭدالدى. وسىلاي دەپ جەرگىلىكتى باق حابارلايدى.
پرەزيدەنت بەردىمۇحامەدوۆ 7 ساۋىردە اۆاز دەمالىس ورنىندا وتكەن تۇركىمەن جانە شەتەلدىك ەسترادا جۇلدىزدارىنىڭ كونتسەرتىندە ءوزىنىڭ ءانىن ورىنداپ ءارى ءانۇران رەتىندە ۇسىنعان.
بۇل ءان ءبىرىنشى رەت 2015 جىلدىڭ قاراشا ايىندا مارى قالاسىندا كيىز ءۇي ىسپەتتى سالىنعان كونتسەرت زالىنىڭ اشىلۋ سالتاناتىندا ورىندالعان. سول كەزدە بۇل ءاندى پرەزيدەنتپەن بىرگە ءتورت مىڭنان استام ادام ايتىپ، گيننەستىڭ رەكوردتار كىتابىنا ەنگەن ەدى.
Abai.kz
