سوعىس تۋرالى فيلمدەردى كوپ كورەمىن. ورىستار شەتەل كينولارىنداعى كەيىپكەرلەردى وزدەرىنىڭ سويلەۋ مانەرىمەن سويلەتىپ شىعادى. اراسىندا كەمشىلىگى دە بار. ماسەلەن، امەريكالىقتاردىڭ ەكى ءسوزدىڭ اراسىنا قوساتىن «چەرت» دەگەن ءسوزىن ءدال سول كۇيى بەرە سالعان. ونى دا ورىستىڭ ماقامىنا سالىپ باسقاشا كەلتىرۋگە بولاتىن ەدى.

بۇنداي مىسال كوپ. قىسقاسى، ورىستاردا ءتارجىما جاعى جاقسى جولعا قويىلىپ، اۋدارماسى جاتىق شىققانىمەن، «يدەال» دەپ ايتۋعا كەلە بەرمەيدى. بىراق بىزدە سونداي كينونىڭ بىرەۋى دە جوق. ەگەر ونى اۋدارا قالسا، «عافۋ ەتىڭىز!»، «كەشىرىم وتىنەم»، «زاماناۋي»، «تاۋار»، «كونتسەرت»، «سالاماتسىز با» دەگەنى سەكىلدى وزدەرى «ادەبي» ءسوز دەپ قابىلدايتىن قايداعى ءبىر كالكالارمەن «بەزەندىرىپ» شىعا سالادى. كينونى كۇندەلىكتى ومىردەگى اۋىزەكى سويلەۋ ستيلىندە سويلەتۋگە ماشىقتانعان كادرلار دا، مۇنداي نارسەنىڭ بار ەكەنىن بىلەتىن بىلىكتى ماماندار دا جوق سەكىلدى. ءبىزدىڭ بۇكىل دۋبلياج وسىنداي «اۋرۋعا» شالدىققان. ءبارى ءبىر شەكتەۋلى شابلونعا كىرىپ الىپ، كينوعا دا سول «ادەبي ءتىلدى» تىقپالاپ تىنادى. ونىڭ ءوزىن جاتىق قىلىپ اۋدارسا ءبىر ءجون عوي، كادر سىرتىنان وقىلىپ تۇرعان جاساندى داۋىستارى قۇلاققا تۇرپىدەي تيەدى ەكەن.

قاراپايىم ومىردەن العان كينونى بارىنشا قازىرگى ومىرگە بەيىمدەپ سويلەتۋ كەرەك ەكەنىن بىلمەيدى عوي، بىلمەيدى! وعان اكادەميالىق اۋىر ءتىلدى، «ادەبي ءتىل» دەپ اتالاتىن اركىم وزىنشە ءتۇسىنىپ جۇرگەن «كالكانى» قايتا-قايتا قىستىرا بەرەدى. كينونى ء"تىلدى تۇزەيتىن", ونى ءبىر ارناعا تۇسىرەتىن يدەولوگيالىق فاكتور رەتىندە پايدالانا ءبىلۋ كەرەك. "قۋعاندا" دا جونىمەن "قۋعانىڭ" دۇرىس...

جولىمبەت ماكىش

Facebook-تەگى پاراقشاسىنان