ورتالىق سايلاۋ كوميسسياسىنىڭ مۇشەسى ءنازارالى ءارىپوۆتىڭ ايتۋىنشا، ولار ساياساتكەرلەرگە زاڭداردى ساقتاۋ كەرەكتىگىن ەسكەرتكەن. ء"وز ۇندەۋىمىزدە ءبىز سايلاۋ كۇنى وتەتىن ۋاقىتتى، تىركەۋ مەرزىمىن جاريالامايىنشا ۇگىت-ناسيحات جۇرگىزبەۋىن سۇرايمىز", - دەدى ول.

ونىڭ ايتۋىنشا، بۇگىنگى تاڭدا پرەزيدەنتتىك سايلاۋعا تۇسكىسى كەلەتىن كەيبىر ساياساتكەرلەر مەن ازاماتتار ۇگىت-ناسيحاتتى باستاپ كەتكەن.

سايلاۋعا قاتىسقىسى كەلەتىنىن "اك شۋمكار" پارتياسىنىڭ جەتەكشىسى تەمير ساريەۆ، "ونۋگۋ-پروگرەسس" پارتياسىنىڭ باسشىسى باكىت توروباەۆ جانە ونىڭ پارلامەنتتىك فراكتسياسى، "رەسپۋبليكا" پارتياسىنىڭ جەتەكشىسى ومۋربەك بابانوۆ جاريالادى.

بۇعان دەيىن قىرعىزستان سوتسيال-دەموكراتيالىق پارتياسى فراكتسياسىنىڭ باسشىسى يسا ومۋركۋلوۆ پرەزيدەنتتىك سايلاۋدى 2017 جىلى 15 قازاندا وتكىزۋىن ۇسىنعان ەدى. ونىڭ الدىندا وسك زاڭ بويىنشا پرەزيدەنتتىڭ سايلاۋ 2017 جىلدىڭ 19 قاراشاسىندا ءوتۋى ءتيىس دەپ حابارلاعان.

اباي-اقپارات