ازاتتىق راديوسىنىڭ اۋعانستانداعى ءتىلشىسى شامەردانگۇلى مىرادىنىڭ حابارلاۋىنشا، سوڭعى ۋاقىتتارى جەرگىلىكتى حالىقتار وزدەرىن قورعاۋ ءۇشىن قارۋلى جاساقتار قۇرا باستاعان. ويتكەنى ايماقتا قاۋىپ كۇشەيگەن.

"سوڭعى كۇندەرى جاعداي قيىنداپ كەتتى، سول سەبەپتى جەرگىلىكتى تۇرعىندار بىرىگىپ، قارۋ اسىنۋعا ءماجبۇر بولدى. ءبىر عانا شوردەپ اۋدانىندا كەم دەگەندە 10 قارۋلى توپ بار", - دەدى مىرادى.

قارۋلى توپتاردىڭ ءبىرىنىڭ كومانديرى ابدۋل مەناننىڭ ايتۋىنشا، مۇندا كەم دەگەندە 27 ەر ازامات پەن ەكى ايەل قازا تاپقان. ء"بىزدىڭ باسقا امالىمىز قالمادى. مال-مۇلكىمىزدى ساتىپ، قارۋ-جاراق ساتىپ الدىق. ءسويتىپ "تاليبان" مەن "يسلام مەملەكەتى" سودىرلارىنا قارسى تۇرامىز. ءبىز ولاردىڭ كۇشتەرىن قۋىپ شىعامىز", - دەدى ول.

كەيبىر مالىمەتتەر بويىنشا، اۋعانستاندا شامامەن 1 ميلليون (حالىقتىڭ 2 پايىزى) ەتنيكالىق تۇركىمەن تۇرادى.

اباي-اقپارات