14 مامىر كۇنى بەيجىڭدە جاڭا "جىبەك جولىنا" ارنالعان حالىقارالىق ء"بىر بەلدەۋ، ءبىر جول" ءسامميتى ءوتتى. وعان قازاقستان پرەزيدەنتى نۇرسۇلتان نازارباەۆ تا قاتىستى .

ەلباسى حالىقارالىق ىنتىماقتاستىق فورۋمىنىڭ سالتاناتتى اشىلۋ ءراسىمى اياسىندا بىرقاتار مەملەكەتتەردىڭ كوشباسشىلارىمەن كەزدەسۋ وتكىزدى.

اۋەلى  قىتاي حالىق رەسپۋبليكاسىنىڭ توراعاسى سي ءتسزينپيندى فورۋمنىڭ تابىستى اشىلۋىمەن قۇتتىقتاپ، ساتتىلىك تىلەدى.

ەكى ەل اراسىندا ينفراقۇرىلىمدى دامىتۋداعى ارىپتەستىك، ساۋدا-ەكونوميكالىق قارىم-قاتىناس، ينۆەستيتسيا تارتۋ سەكىلدى بىرقاتار ماسەلەلەردى تالقىلادى.

ونان سوڭ رەسەي پرەزيدەنتى پۋتينمەن جانە تۇركيا باسشىسى رەجەپ ەردوعانمەن اڭگىمەلەسىپ، وتكەندە عانا استانادا وتكەن سيريا جونىندەگى كەلىسسوزدەردىڭ قورىتىندىلارىن تالقىلادى.

سونداي-اق، پرەزيدەنت نازارباەۆ بەيجىڭدە بەلارۋسcيا  پرەزيدەنتى الەكساندر لۋكاشەنكونى، وزبەكستان پرەزيدەنتى شاۆكات ميرزيەەۆتى، پاكىستاننىڭ پرەمەر-ءمينيسترى ناۆاز ءشاريفتى جانە مالايزيانىڭ پرەمەر-مينيسترلەرى ناجيپ تۋن رازاكتى قابىلدادى..

بۇدان بولەك نۇرسۇلتان نازارباەۆ بۇۇ باس حاتشىسى گۋتەريشپەن اڭگىمەلەستى. اڭگىمە بارىسىندا ول شانحاي ىنتىماقتاستىق ۇيىمىنىڭ استانادا وتەتىن سامميتىنە قاتىسۋ نيەتى بار ەكەنىن راستادى.

ال يسپانيا پرەمەر-ءمينيسترى م.راح استاناداعى ەكسپو-2017 حالىقارالىق كورمەسىنە قاتىساتىنىن ايتتى.

ءسامميتتىڭ ءسانى بۇزىلا جازدادى

حالىقارالىق دارەجەدەگى ليدەرلەردىڭ بەيجىڭدەگى بۇل كەزدەسۋى داۋمەن باستالدى.

ەۋروپا وداعىنا كىرەتىن مەملەكەتتەر باسشىلارى قىتايمەن ساۋدا-ساتتىق جونىندەگى ماسەلەلەردە ورتاق شەشىم تابا الماعاندىقتان، كەلىسسوزدەرگە قول قويۋدان باس تارتتى.

سويتسە، قىتاي ەۋروپالىق باسشىلاردىڭ الەۋمەتتىك جانە ەكولوگيالىق ستاندارتتارتى ساقتاۋ تۋرالى ۇسىنىسىن كەيىنگە شەگەرىپتى.

سونىمەن قاتار، بەيجىڭ ءسامميتىنى قارساڭىندا سولتۇستىك كورەيا باليستيكالىق زىمىراندى سىناقتان وتكىزدى. كىم چەن ىن باسقارۋىمەن وتكەن سىناق كەزىندە ۇشىرىلعان زىvىران تۇپ-تۋرا رەسەي شەكاراسى ماڭىنا قۇلاعان.

ءۇندىستان بايكوت جاريالادى

بۇدان بولەك، ء"بىر بەلدەۋ، ءبىر جول" سامميتىنە ءۇندىستان قاتىسقان جوق. بەيجىڭدەگىلەر دەليگە ارنايى شاقىرتۋ بەرگەنىمەن، ءۇندىستان بايكوت جاساپ، نارازىلىق تانىتتى.

NDTV ارناسىنىڭ حابارلاۋىنشا، قىتاي پاكىستانمەن ەكونوميكالىق بايلانىس ورناتۋىنا ءۇندىستان ۇكىمەتى نارازى كورىنەدى. ال ەكونوميكالىق ءدالىز  گيلگيت-بالتيستاندى باسىپ وتەدى. بۇل پاكىستان مەن ءۇندىستان اراسىنداعى داۋلى ايماق.

دەگەنمەن قىتاي "جاڭا جىبەك جولى" جوباسىنا 13 ميلليارد دوللار كولەمىندە قارجى قۇيماق. ماقساتى - ەۋروپا، افريكا مەن ازيا قۇرلىعىنا جالعاساتىن اۆتوموبيل جولى، تەمىر جول مەن تەڭىز جولىن جۇرگىزۋ. بۇل ارقىلى قىتايعا شيكىزات پەن ەنەرگورەسۋرستار جەتكىزىلسە، قىتاي تاۋار ساۋدالاماق.

قحر توراعاسىنىڭ ايتۋىنشا، قازىردىڭ وزىندە بۇل جوباعا 65 مەملەكەت قىزىعۋشىلىق تانىتىپ وتىر.

ال بەيجىڭ ءسامميتى بۇگىندە جالعاسىپ جاتىر. وعان 100-دەن استام ەلدىڭ وكىلى مەن 29 مەملەكەتتىڭ باسشsلارى قاتىسۋدا.

نۇرزات توعجان

Abai.kz