Abai.kz پورتالىندا جاريالانعان «قر ءسىم نازارىنا! رەسەي جاستارى مانشۇكتىڭ ەسكەرتكىشىن مازاق ەتتى» اتتى شاعىن ماقالا (http://abai.kz/post/52835) ەلىمىزدەگى بىراقتار سايتتار مەن باق بەتتەرىندە تارالىپ، قوعامدىق پىكىر تالقىسىنا ءتۇسىپ جاتىر. بولعان جايتكە شۇعىل نازار اۋدارعان سانكت-پەتەربورداعى قازاقستاننىڭ باس كونسۋلدىعى رف-نىڭ قۇزىرلى ورگاندارىنا ەسكەرتۋ جاساپ، ماسەلە كوتەردى.

ەستەرىڭىزگە سالا كەتەيىك، قازاقتىڭ باتىر قىزى مانشۇك مامەتوۆانىڭ رەسەيدەگى ەسكەرتكىشىن مازاق ەتكەن ءبىر توپ جاستىڭ بەينە جازباسى الەۋمەتتىك جەلىدە جاريا بولعان ەدى.

بۇل جايت  رەسەيدىڭ پسكوۆ وبلىسىنا قاراستى نەۆەل قالاسىندا بولعان. ال، نەۆەل قالاسى – مانشۇك مامەتوۆا ەكىنشى دۇنيەجۇزىلىك سوعىستا قازاق تاپقان قالا.

باس كونسۋلدىق باتىر ەسكەرتكىشىن مازاق ەتكەن جاستاردى انىقتاپ، قاتاڭ ەسكەرتۋ جاساۋ كەرەكتىگىن رف-نىڭ قۇزىرلى ورىندارىنان تالاپ ەتكەن. ال، رف-نىڭ زاڭى بويىنشا، ەسكەرتكىشكە قاتىستى ارەكەت «ۆانداليزم» بولىپ تابىلمايدى ەكەن.