ۇكىمەت قاناتىنىڭ استىنا الىپ، قامقورلىق تانىتىپ جاتقان ايتىستى كوردىك. قازاق بيلىگىنىڭ جوسپارىنا سايكەس، ايتىس جىلىنا ەكى رەت ءوتىپ تۇراتىن بولىپتى. اۋەلى، اۋدان، وبلىس، قالا دەڭگەيىندە ايتىستارتار ۇيىمداستىرىلىپ، ودان وزا شاپقان ايتىسكەرلەر استانامىز استاناداداعى قورتىندى ايتىسقا قاتىسادى. (وي، اللا-اي، وسى ءبىزدىڭ ۇكىمەتتىڭ دە ويلاپ تاپپايتىنى جوق). جوسپار بويىنشا، جەكسەنبى كۇنى الماتىدا قالالىق اقىندار ايتىسى ءوتتى. مەملەكەتتىك ايتىستى تاماشالاعان كورەرمەندەر جانە ايتىسكەرلەرمەن ۇزىلىستە از-كەم شۇيىركەلەستىك.

كورەرمەن ايتادى: وسى عاسىردىڭ باسىنداعىداي دۇركىرەگەن، ەلدىڭ، جەردىڭ تاعدىرىن ولەڭ سوزگە قوسقان، بيلىكتىڭ وزبىربىلىعىن، قازاقتىڭ باسىنداعى كەم كۇنىن جىرلاعان اقىنداردى ساعىندىق. بۇگىنگى اقىندار دا ايتۋداي-اق ايتىپ جاتىر. بىراق باياعىداي قايدان بولسىن دەيدى.

ال، ايتىستى مەملەكەت قامقورىنا العانىنا كورەرمەننىڭ كوڭىلى الاڭ. ويتكەنى، ەل اقىنداردىڭ اۋزىنان ەستىگىسى كەلەتىن بۇگىنگىنىڭ شىندىعى ەندى اقىنداردىڭ ىشىندە ءولىپ كەتەدى دەپ وتىر. كەمپىر ارالاسقان ەرتەگى وڭبايدى دەگەنگە سايادى.

ال، ايتىسكەرلەر ايتادى: بيلىكتىڭ ايتىستى قولعا الۋى ەركىن سوزگە، دالا دەموكراتياسىنىڭ ايعاعى اتانعان ايتىستىڭ اياعىنا تۇساۋ سالاتىنىن ءسوزسىز دەيدى. بىراق اقىنداردىڭ ىركىلىپ قالعان جەرى جوق دەگەندى دە قوسىپ قويادى.

ۇكىمەت قاناتىنىڭ استىنا الىپ، قامقورلىق تانىتىپ جاتقان ايتىستى كوردىك. قازاق بيلىگىنىڭ جوسپارىنا سايكەس، ايتىس جىلىنا ەكى رەت ءوتىپ تۇراتىن بولىپتى. اۋەلى، اۋدان، وبلىس، قالا دەڭگەيىندە ايتىستارتار ۇيىمداستىرىلىپ، ودان وزا شاپقان ايتىسكەرلەر استانامىز استاناداداعى قورتىندى ايتىسقا قاتىسادى. (وي، اللا-اي، وسى ءبىزدىڭ ۇكىمەتتىڭ دە ويلاپ تاپپايتىنى جوق). جوسپار بويىنشا، جەكسەنبى كۇنى الماتىدا قالالىق اقىندار ايتىسى ءوتتى. مەملەكەتتىك ايتىستى تاماشالاعان كورەرمەندەر جانە ايتىسكەرلەرمەن ۇزىلىستە از-كەم شۇيىركەلەستىك.

كورەرمەن ايتادى: وسى عاسىردىڭ باسىنداعىداي دۇركىرەگەن، ەلدىڭ، جەردىڭ تاعدىرىن ولەڭ سوزگە قوسقان، بيلىكتىڭ وزبىربىلىعىن، قازاقتىڭ باسىنداعى كەم كۇنىن جىرلاعان اقىنداردى ساعىندىق. بۇگىنگى اقىندار دا ايتۋداي-اق ايتىپ جاتىر. بىراق باياعىداي قايدان بولسىن دەيدى.

ال، ايتىستى مەملەكەت قامقورىنا العانىنا كورەرمەننىڭ كوڭىلى الاڭ. ويتكەنى، ەل اقىنداردىڭ اۋزىنان ەستىگىسى كەلەتىن بۇگىنگىنىڭ شىندىعى ەندى اقىنداردىڭ ىشىندە ءولىپ كەتەدى دەپ وتىر. كەمپىر ارالاسقان ەرتەگى وڭبايدى دەگەنگە سايادى.

ال، ايتىسكەرلەر ايتادى: بيلىكتىڭ ايتىستى قولعا الۋى ەركىن سوزگە، دالا دەموكراتياسىنىڭ ايعاعى اتانعان ايتىستىڭ اياعىنا تۇساۋ سالاتىنىن ءسوزسىز دەيدى. بىراق اقىنداردىڭ ىركىلىپ قالعان جەرى جوق دەگەندى دە قوسىپ قويادى.

ەندى، الماتىدا وتكەن اقىندار ايتىسىنا كەلەيىك. جامبىل اتىنداعى فيلورمونيا زالى كورەرمەنگە لىق تولدى. اقىندار بارىن سالىپ باقتى. قىزىق بولعاندا، قالالىق اكىمشىلىك ءوزى ۇيىمداستىرعان ايتىستىڭ ادىلقازىلار قۇرامىنا ءوزىنىڭ كىشكەنتاي شەنەۋنىكتەرىندە ەنگىزىپتى. اردا ونەرگە ءادىل تورەلىگىن ايتاتىنداردىڭ اراسىنان قالالىق اكىمشىلىكتىڭ ءبىز تانيتىن ەكى بىردەي وكىلى ماماي احەت پەن كەنجەحان ماتىجانوۆ وتىردى. رينات پەن ايبەك اقىندار دوسقاليەۆتىڭ جايىنا قاراي ويىسىپ، بۇگىنگىنىڭ ناقتى جاعدايىن جىرلاماققا بەت بۇرعانى سول ەدى، قازىلار القاسىنداعى ءادىل تورەنىڭ ءبىرى عالىم جايلىباي «ۋاقىت ءبىتتى» دەپ اقىنداردىڭ اۋزىنا بيلىكتىڭ قاقپاعىن قويدى. وسى جەردە ءجۇرسىن ەرمان «نەگىزىگى ۋاقىت اياقتالماسا دا، مەن ەشنارسە جاساي المايمىن. بۇگىنگى قازىلاردىڭ اراسىندا اكىمشىلىكتىڭ ادامدارى وتىر»، دەپ قويىپ قالدى. بۇدان كەيىنگى جەردە قازىلار، ء(ادىل دەگەن ءسوزدى قوسۋعا ىڭعايسىزدانىپ وتىرمىز) ابىروي بولعاندا ايتىستى جول ورتادان توقتاتقان جوق. اقىنداردىڭدا مەملەكەتتىك ايتىسقا ەتى ۇيرەنە باستاعان-اۋ دەيمىن، ورتادان جول تاۋىپ كەتىپ جاتتى. بىراق، قازاق جايىن ايتپاي قالعان اقىن بولمادى. الاشتىڭ ءحالىن استارلاپ بولسىن ايتەۋىر، ەلگە جەتكىزدى. كورەرمەندە ايتىسكەرلەرىن ءبىرتۇرلى اياۋشىلىقپەن «جوعارىعا جاقپايتىن ءبىر نارسەنى قويىپ قالىپ، مىنا بالا ءبارىن ءبۇلدىرىپ الماسا بولدى» دەگەن سىڭايدا تىڭداعانداي اسەر قالدىردى.

ءسويتىپ، ۇلى دالاداعى ەركىندىكتىڭ، دەموكراتيانىڭ، ءسوز بوستاندىعىنىڭ، سوزگە توقتايتىن بيىك مادەنيەتتىڭ جاسامپاز ۇلگىسى بولىپ كەلگەن اردا ونەر ايتىستىڭ دا بيلىكتىڭ تورىنا تۇسكەنىن كوردىك. ايتىس پەن حايۋانتتار باعىنداعى ارىستاننىڭ حالىندە ايىرما قالماي بارادى-اۋ وسى...

ايتپاقشى، ايتىسكەرلەردىڭ ءبىرى «قازاقستان تاۋەلسىز بولعانمەنەن، قازاق ءالى تاۋەلدى...» دەپ جىرلاعانى ەسىمىزدى قالىپتى...تەگىندە وسى ءسوزدىڭ جانى بار...

«اباي-اقپارات»