قازاقستان رەسپۋبليكاسى ۇلتتىق ەكونوميكا مينيسترلىگى ستاتيستيكا كوميتەتى 2017 جىلعى قاڭتار-ساۋىردەگى قازاقستان رەسپۋبليكاسىنىڭ دەموگرافيالىق احۋالى تۋرالى مالىمەتتەر كەلتىردى، - دەپ حابارلايدى Tengrinews.kz ءتىلشىسى.

ستاتيستيكا بويىنشا، 2017 جىلعى 1 مامىرعا ەلىمىزدەگى حالىق سانى - 17 994,2 مىڭ ادام، سونىڭ ىشىندە قالالىقتار - 10 345,1 مىڭ (57,5%), اۋىلدىقتار - 7 649,1 مىڭ ادام (42,5%). 2016 جىلعى 1 مامىرمەن سالىستىرعاندا حالىق سانى 241,1 مىڭ ادامعا نەمەسە 1,4% ءوستى.

احات ورگاندارى ۇسىنعان ازاماتتىق حال اكتىلەرى جازبالارىنداعى مالىمەتتەردى وڭدەۋ ناتيجەسىندە، 2017 جىلعى قاڭتار-ساۋىردە تۋعاندار سانى - 121,5 مىڭ ادام، بۇل 2016 جىلعى قاڭتار-ساۋىرگە قاراعاندا 7,4% از. تۋدىڭ جالپى كوەففيتسيەنتى 1000 ادامعا تۋىلعانداردىڭ ۇلەسى 20,49.

2017جىلعى قاڭتار-ساۋىردە رەسپۋبليكا حالقىنىڭ تابيعي ءوسىمى 2016 جىلعى قاڭتار-ساۋىرمەن سالىستىرعاندا 9,0 مىڭ ادامعا نەمەسە 10,4% كەمىپ، - 77,2 مىڭ ادام بولدى. تابيعي ءوسىمنىڭ جالپى كوەففيتسيەنتى 1000 ادامعا شاققاندا 13,01 ادام.

قاراستىرىلىپ وتىرعان كەزەڭدە قايتىس بولعاندار سانى - 44,3 مىڭ ادام، بۇل 2016 جىلعى قاڭتار-ساۋىرگە قاراعاندا 1,5% از. ءولىم-ءجىتىمنىڭ جالپى كوەففيتسيەنتى 1000 ادامعا - 7,48 ادام.

2017 جىلعى قاڭتار-ساۋىردە رەسپۋبليكادا 1 جاسقا دەيىنگى1054 نارەستە ءولىمى تىركەلدى. 2016 جىلعى قاڭتار-ساۋىرمەن سالىستىرعاندا 1 جاسقا دەيىنگى شەتىنەگەن نارەستە سانى 24,5% ازايدى.

نارەستە ءولىم-ءجىتىمىنىڭ نەگىزگى سەبەبى - پەريناتالدىق كەزەڭدە پايدا بولاتىن جاعدايلار، بۇدان 2017 جىلعى قاڭتار-ساۋىردە506 نارەستە قايتىس بولىپ، نارەستەلەراراسىنداعى جالپى ءولىم سانىنىڭ 48,0% قۇرادى. تۋا بىتكەن اۋىتقۋلاردان 256 نەمەسە 24,3%، تىنىس ورگاندارى اۋرۋلارىنان - 78 نەمەسە 7,4% جانە جازاتايىم جاعدايدان، ۋلانۋدان جانە جاراقاتتان - 62 نەمەسە 5,9% نارەستە قايتىس بولدى.  2017 جىلعى قاڭتار-ساۋىردە نارەستە ءولىم-ءجىتىمىنىڭ كوەففيتسيەتى 1000 تۋعاندارعا شاققاندا 8,68.

كوشى-قون قىزمەتى ورگاندارى ۇسىنعان مالىمەتتەردى وڭدەۋ ناتيجەسىندە، 2017 جىلعى قاڭتار-ساۋىردە ەلىمىزگە تۇرعىلىقتى تۇرۋعا كەلگەندەردىڭ تىركەلۋ سانى 2016 جىلعى قاڭتار-ساۋىپمەن سالىستىرعاندا 42,2% كوبەيىپ، 5 888 ادامدى قۇرادى. ەلىمىزدەن كەتكەن كوشىپ-قونۋشىلاردىڭ تىركەلۋ سانى 0,8% كوبەيىپ، 7727 ادامدى قۇرادى، كوشى-قوننىڭ ايىرىمى -1 839 ادام بولدى.

ەلىمىزدەگى نەگىزگى كوشى-قون الماسۋى تمد مەملەكەتتەرىمەن جۇزەگە اسىپ جاتىر.

· تمد ەلدەرىنەن كەلگەندەردىڭ ۇلەسى 68,3%;

· تمد ەلدەرگە كەتكەندەردىڭ ۇلەسى 86,9% قۇرادى.

وڭىرارالىق كوشىپ-قونۋشىلاردىڭ ۇلەسىنە ەلىمىزدىڭ جالپى ىشكى كوشىپ-قونۋشىلار سانىنىڭ 33,8% كۇرادى. وڭىرارالىق كوشى-قوننىڭ وڭ ايىرىمى:

· استانا قالاسى - 18052 ادام;

· الماتى قالاسى - 7 800 ادام;

· اقمولا وبلىسى - 1 361 ادام;

· الماتى وبلىسى - 814 ادام;

· اتىراۋ وبلىسى - 21 ادام.
Abai.kz