وبسە-گە توراعالىق كەزىندە ايتىپ ەدىم، ەكسپو تۇسىندا قايتالايىن
وسىنداي حالىقارالىق وقيعالاردىڭ بيلىك تۇسىنە بەرمەيتىن پايدالى ءبىر استارى بار.
مەملەكەت باسشىلارى كەز كەلگەن ەلگە ساپار شەگەر الدىندا كومەكشىلەرى سول ەل تۋرالى ەگجەي-تەگجەيلى ماعلۇمات جيناپ بەرەدى. ويتكەنى وزدەرى دەموكراتيالىق پروتسەدۋرالار ارقىلى بيلىككە كەلىپ، كەتىپ جۇرگەن ولار وپپوزيتسيانىڭ قادىرىن بىلەدى.
جانە دە ءبىزدىڭ ەلگە كەلمەك ويى بار شەتەلدىك تۋريستەر دە ينتەرنەت ارقىلى قازاقستانعا قاتىستى اقپاراتپەن تانىسادى. Google دەگەن قۇدىرەت تە وعان ءوز سەپتىگىن تيگىزەدى.
سوندىقتان دا ەكسپو-عا كەلگەن ءاربىر پرەزيدەنت، پرەمەر نە كورول، ءاربىر كوزى اشىق، كوكىرەگى وياۋ مەيمان ەلدەگى ساياسي احۋال تۋرالى دا حاباردار بولادى.
بيلىكتىڭ اۋىسپاي كەلە جاتقانىن، ماسقارا سايلاۋلاردىڭ قالاي وتكەنىن، ساياسي كوزقاراسى ءۇشىن قۋدالانعان ازاماتتار بار ەكەنىن، وپپوزيتسيانىڭ كوزى جويىلىپ جاتقانىن - ءبارىن، ءبارىن بىلەدى.
ياعني، ولار ارون، ماكس، تالعات، جانبولات تۋرالى حاباردار بولادى.
ول ءۇشىن ەكسپو-عا ءبىر راحمەت!
ءامىرجان قوسانوۆ
Facebook-تەگى پاراقشاسىنان
