ۇلتتىق پانتەوندى جىرعا قوسقاندارعا "بايگە بەرىلەدى"
قۇرمەتتى مەنىڭ قالامداس ارىپتەستەرىم!
اتى جوق قالادا قۇرلىسى باستالىپ كەتكەن ۇلتتىق پانتەوندى جابىلا جىرعا قوسايىق!
ناعىز جاعىمپازدىق جارىستىڭ تەڭدەسى جوق تاماشا ءبىر ۇلگىسىن كورسەتەيىك!
ەڭىرەپ تۇرىپ، ەگىلىپ تۇرىپ، شاتتىقتان شاتتانىپ شالقىپ تۇرىپ، كەرەمەت ماقتانىپ بالقىپ تۇرىپ، شىن جۇرەكتەن تەبىرەنە جىرعا قوسايىق!
ول عاجاپ جىردى وقىعاندار، تەبىرەنىپ كەتىپ، پانتەونعا قاراي اسىعاتىن بولسىن!
جارىسقا تۇسكەندەردىڭ بارلىعىنا دا باس جۇلدە بەرىلەدى!
اسىعىڭدار، اقىندار؟
قانە، جارىس باستالىپ تا كەتتى!..
ايتپاقشى، "ۇلتتىق پانتەون جىر بايگەسىنە" ءادىل قازىلىق جاسايتىندار مىنالار:
نەگىزىنەن جاعىمپازدىق قاسيەتتەرىمەن ەرەكشە كوزگە تۇسكەن:
جاڭىمپازدىقتىڭ قاي سالاسىنان دا تاجىريبەسى بار ونەر قايراتكەرلەرى، جاعىمپازدىق جاعىنان ايرىقشا دارىندى اقىندار مەن جازۋشىلار،
بۇل تۇرعىدان اسا تانىمال قوعام جانە مەملەكەت قايراتكەرلەرى، جوعارى اتاعى مەن وردەندەرى بارلار جانە ت.ب.
بىزدە دەموكراتيا دەگەندەي، بارلىق ىرىكتەۋ جاريا تۇردە اشىق جۇرگىزىلەدى! ونداي ادامداردى تاۋىپ جاتساڭىزدار، ولاردىڭ اتى-جوندەرىن، اتاق-وردەندەرىن، كىم ەكەندىكتەرىن اتاپ اشىق كورسەتىپ بىزگە ۇسىنا الاسىزدار!
قازىر ىرىكتەۋ ءجۇرىپ جاتىر!
ات سالىسىڭىزدار!
جۇماش كوكبورى
Abai.kz
