الماتىنىڭ اۋەزوۆ اۋداندىق ىشكى ىستەر باسقارماسىنىڭ بۇرىنعى باسشىسى مەن ۇيىمداسقان قىلمىستىق توپتىڭ مۇشەلەرى قاماۋعا الىندى. بۇل تۋرالى قالالىق سوتتاعىلار Tengrinews.kz رەداكتسياسىنىڭ رەسمي حاتىنا بەرگەن جاۋابىندا مالىمدەدى.

بارلىعى 17 ادام قاماۋعا الىنعان. ولار ۇيىمداسقان قىلمىستىق ۇيىم قۇردى جانە وعان باسشىلىق ەتتى، وعان قاتىستى، قارۋ-جاراقتى، وق-دارىلەردى، جارىلعىش زاتتاردى زاڭسىز ساتىپ الدى، وتكىزدى، ساتتى، ساقتادى، تاسىمالدادى نەمەسە الىپ ءجۇردى دەگەن ايىپ تاعىلىپ وتىر.

"2017 جىلدىڭ 30 مامىرىندا سوتقا دەيىنگى تەرگەۋ ورگاندارى مىنا تۇلعالاردى ۇستادى: د. بايگاباتوۆ، ا. ياحياروۆ، ب. كاسابەكوۆ، ت. كەنەباەۆ، ش. حۋداۆاديەۆ، چ. جارحابەكوۆ، س. دجالەلوۆ، ب. بايسالباەۆ، ي. كابيروۆا، ب. ارۋنوۆا، م. زايناۋدينا، ي. ءابدراحمانوۆا، ر. رامازان، د. شايدۋللا، ت. ەرلانوۆا، ت. سۇلەيمەنوۆا. 2017 جىلدىڭ 1 ماۋۆسىمىندا ا.كازانەۆسكي ۇستالدى", - دەلىنگەن جاۋاپتا.

اۋەزوۆ اۋداندىق ءىىب بۇرىنعى باسشىسى باحىت قاسابەكوۆ ۇيىمداسقان قىلمىستىق توپتى قۇردى، سونداي-اق، ءوزىنىڭ قىزمەتتىك بابىن قولدانا وتىرىپ، سول توپتا بولدى دەپ ايىپتالىپ وتىر.

"كازانەۆسكي قارۋ-جاراقتاردى زاڭسىز يەلەنۋ جانە ساقتاۋ باپتارى بويىنشا ايىپتالىپ وتىر. ولاردىڭ بارلىعى ەكى ايعا قاماۋعا الىندى", - دەدى الماتى قالالىق سوتىنداعىلار.

ەسكە سالا كەتەيىك، ماۋسىم ايىنىڭ باسىندا  ۇقك الماتىدا ارنايى وپەراتسيا جۇرگىزىپ، ء"ادىل قىتاي" ۇيىمداسقان قىلمىستىق توبىنىڭ مۇشەلەرى ۇستالعان بولاتىن.

"ارنايى جاساقتاردىڭ قاتىسۋىمەن ءبىر مەزەتتە الماتىنىڭ ءار ءتۇرلى جەرىندە ا.ءزايناۋديننىڭ ۇيىمداسقان قىلمىستىق توبىنىڭ ء("ادىل قىتاي" لاقاپ اتىمەن تانىلعان) باسشىسى مەن مۇشەلەرى جانە الماتى قالاسى ءىىد اۋەزوۆ ءاىىب-نىڭ بۇرىنعى باسشىسى پوليتسيا پولكوۆنيگى قاسابەكوۆ ۇستالدى، ۇستالعانداردىڭ سانى - 16", - دەلىنگەن ەدى قر ۇقك رەسمي جاۋابىندا.

Abai.kz