سامات سابدالين. كومسومولدى اڭساۋ – قۇلدىق سانانىڭ كورسەتكىشى!
كسرو ىدىراپ، كوممۋنيستىك توتاليتارلىق رەجيمنىڭ قۇلاعانىنا جيىرما جىل بولىپ قالدى. الايدا، سول زاماندى اڭساپ، ونى قايتادان جاڭعىرتقىسى كەلەتىندەر سانى سوڭعى جىلدارى كوبەيمەسە، ازايعان جوق. ونىڭ دالەلى - ەلىمىزدىڭ تۇكپىر-تۇكپىرىندە 29 قازان كۇنى كومسومول كۇنىن اتاپ ءوتۋ ءداستۇرى.
وكىنىشكە وراي، قۇلدىق، وتارلىق زاماندى اڭساۋشىلاردىڭ قاتارىندا بۇگىنگى تاۋەلسىز مەملەكەتتىڭ تۇتقاسىن ۇستاپ وتىرعاندار از ەمەس. ەستۋىمىزشە، 29 قازان كۇنى ەلىمىزدىڭ بارلىق وبلىستارىندا دەرلىك كەشەگى كومسومولدار، بۇگىنگى اكىم-قارالار مەن بەلسەندى بيزنەسمەندەر مەيرامحانالار مەن كلۋبتاردا باس قوسىپ، وتكەنىن اڭساپ، جاستىق شاقتارىنىڭ اندەرىن شىرقاپ تاراسىپتى.
كەيبىر وبلىستاردا بۇگىنگى بيلىكشىل جانە بيلىككە قارسى كوممۋنيستەر دە وزدەرىنىڭ ۇلكەندى-كىشىلى اكتسيالارىن وتكىزىپ، كەڭەس زامانىن ناسيحاتتاۋعا ءوز ۇلەستەرىن قوسىپتى. مىسالى، اقتوبەلىك «حالىقتىق كوممۋنيستەرى» (باسشىسى كوسارەۆ) قالاداعى اۆتوبۋس ايالدامالارىنىڭ ءبىرىن «كومسومول جيۆ» دەگەن سوزدەرمەن كومكەرىپ، چە گەۆارانىڭ سۋرەتىمەن بەزەندىرىپتى. قحكپ-نىڭ اوتوبەلىك فيليالىنىڭ باسشىسى جاننات مولداشەۆ: «ءبىز بيلىكتەن رۇقسات سۇراعان جوقپىز. نەسى بار؟ جامان با؟ بىزگە دە جاقسى، ايالداما دا بۇرىنعى «كومسومولسكايا اتىنا لايىق بولدى» - دەپ قۋانىپ وتىر.
كسرو ىدىراپ، كوممۋنيستىك توتاليتارلىق رەجيمنىڭ قۇلاعانىنا جيىرما جىل بولىپ قالدى. الايدا، سول زاماندى اڭساپ، ونى قايتادان جاڭعىرتقىسى كەلەتىندەر سانى سوڭعى جىلدارى كوبەيمەسە، ازايعان جوق. ونىڭ دالەلى - ەلىمىزدىڭ تۇكپىر-تۇكپىرىندە 29 قازان كۇنى كومسومول كۇنىن اتاپ ءوتۋ ءداستۇرى.
وكىنىشكە وراي، قۇلدىق، وتارلىق زاماندى اڭساۋشىلاردىڭ قاتارىندا بۇگىنگى تاۋەلسىز مەملەكەتتىڭ تۇتقاسىن ۇستاپ وتىرعاندار از ەمەس. ەستۋىمىزشە، 29 قازان كۇنى ەلىمىزدىڭ بارلىق وبلىستارىندا دەرلىك كەشەگى كومسومولدار، بۇگىنگى اكىم-قارالار مەن بەلسەندى بيزنەسمەندەر مەيرامحانالار مەن كلۋبتاردا باس قوسىپ، وتكەنىن اڭساپ، جاستىق شاقتارىنىڭ اندەرىن شىرقاپ تاراسىپتى.
كەيبىر وبلىستاردا بۇگىنگى بيلىكشىل جانە بيلىككە قارسى كوممۋنيستەر دە وزدەرىنىڭ ۇلكەندى-كىشىلى اكتسيالارىن وتكىزىپ، كەڭەس زامانىن ناسيحاتتاۋعا ءوز ۇلەستەرىن قوسىپتى. مىسالى، اقتوبەلىك «حالىقتىق كوممۋنيستەرى» (باسشىسى كوسارەۆ) قالاداعى اۆتوبۋس ايالدامالارىنىڭ ءبىرىن «كومسومول جيۆ» دەگەن سوزدەرمەن كومكەرىپ، چە گەۆارانىڭ سۋرەتىمەن بەزەندىرىپتى. قحكپ-نىڭ اوتوبەلىك فيليالىنىڭ باسشىسى جاننات مولداشەۆ: «ءبىز بيلىكتەن رۇقسات سۇراعان جوقپىز. نەسى بار؟ جامان با؟ بىزگە دە جاقسى، ايالداما دا بۇرىنعى «كومسومولسكايا اتىنا لايىق بولدى» - دەپ قۋانىپ وتىر.
ەڭ سوراقىسى - اقتوبەدەگى كومسومولدىق اكتسيانى وتكىزگەندەردىڭ ءدۇيىم كوپشىلىگى ءوزىمىزىدىڭ قازاق جاستارى ەكەنى! سوندا قالاي، ولار ءۇشىن تاۋەلسىزدىگىمىزدىڭ ءبىر تيىن قۇنى بولماعانى ما؟ الدە تۋعان ەلىنىڭ تاريحىن مۇلدەم بىلمەگەنى مە؟ وزدەرى ماقتان تۇتقان كومسومولداردىڭ كەزىندە قانشاما قىلمىس پەن سۇمدىقتىڭ باس-قاسىندا جۇرگەنىن ۇمىتىپ كەتكەنى مە؟ قىزىلداردىڭ تىكەلەي قاتىسۋىمەن ميلليونداعان قازاقتىڭ قىرىلعانىن بىلمەي مە؟ كوممۋنيستىك يدەولوگيانىڭ اينالىپ كەلگەندە وتارلىق يدەولوگيا ەكەنىن بىلمەي مە؟
جالپى العاندا قازاقستاننىڭ بارلىق ايماقتارىندا كەڭەستىك نوستالگيا باستالعان سياقتى. ءار قالادا «كومسومولدىق» مەن «پيونەرلىك» كلۋبتار، مەيرامحانالار، ديسكوتەكالار اشىلىپ جاتىر. ولارعا باراتىن نەگىزىنەن ءوزىمىزدىڭ قازاق جاستارى. ولار كەڭەس زامانىنىڭ ەستەتيكاسىن، يدەولوگياسىن بايقاماي بويىنا ءسىڭىرىپ ءجۇر. وعان كۇنى-ءتۇنى رەسەي تەلەارنالارى مەن ءباسپاسوزى ارقىلى كسرو-نى اڭساپ، ونى ءبىر قۇدىرەت ەتىپ كورسەتۋ ساياساتىن قوسىڭىز. جاستارىمىزدىڭ ساناسى وسىلاي ۋلانا بەرەتىن بولسا، ەرتەڭگى كۇنى ەل باسىنا كۇن تۋعاندا ەلىن، جەرىن قورعاۋدىڭ ورنىنا جاڭا وتارشىلاردىڭ الدىنان «حلەب-سول» ۇستاپ شىقپاسىنا كىم كەپىل؟
كوممۋنيزمدى، كومسومولدى اڭساۋ - قۇلدىقتى اڭساۋ! كەڭەس زامانىن، كەڭەستىك يدەولوگيانى اڭساۋ - مەملەكەتىڭدى، حالقىڭدى، جەرىڭدى ساتۋمەن پارا-پار! اباي بولايىق، ابايشىل بولايىق، اعايىن!
«اباي-اقپارات»
