Abai.kz اقپاراتتىق پورتالىنا جىلوي اۋدانىنىڭ تۇرعىنى تۇرار شاپقارا بىرنەشە رەت "جىلوي سۋ" كاسىپورنىن سىناپ ماقالا جازعان ەدى. سول ماقالالارعا قاتىستى اتالمىش مەكەمەنىڭ باسشىسى بالتاباي ىبىراەۆ اۆتوردى سوتقا بەرگەن بولاتىن. سوت بارىسىندا تۇرار شاپقارانىڭ اقيقاتتى ايتقانى دالەلدەنىپ، ارىزدانۋشى تاراپتى جەڭىپ شىعىپتى. ەل مەن جەر ءۇشىن بولاتىن ۇلكەن كۇرەستەر وسىنداي شاعىن جەڭىستەردەن باستالاتىنىن ەسكەرە وتىرىپ، تۇرار شاپقاراعا «شىندىقتى شىرىلداتىپ جازا ءتۇسىڭىز!» دەگىمىز كەلەدى.

Abai.kz اقپاراتتىق پورتالى

26 ماۋسىم كۇنى جىلوي اۋداندىق سوت عيماراتىندا "جىلوي سۋ" باسشىسى ىبىراەۆ بالتابايدىڭ ازامات تۇرار شاپقارانىڭ ۇستىنەن بەرگەن ارىزىنا بايلانىستى سوڭعى سوت وتىرىسى بولىپ ءوتتى. سوتقا "جىلوي سۋ" مەكەمەسىنەن ناقاق قۋدالانعان قىزمەتكەرلەرىنەن بولەك (حالىقوۆ اتىنداعى مەكتەپتىڭ قازاق ءتىلى مەن ادەبيەتى ءپانىنىڭ مۇعالىمى) فيلولوگ مامان قاتىستىرىلدى.

فيلولوگ مامان ىبىراەۆ بالتابايدىڭ "ىزاسىن تۋدىردى، ار-نامىسىن تاپتادى، ابىرويىنا، ىسكەرلىگىنە نۇقسان كەلتىردى" دەگەن تۇرار شاپقارانىڭ ماقالاسىنا ساراپتاما، زەرتتەۋ جۇمىستارىن جۇرگىزىپ كەلىپتى. فيلولوگ مامان ماقالانى زەردەلەي كەلە تۇرار شاپقارانىڭ ماقالاسىندا بىرەۋدىڭ قاساقانا ارىنا تيۋ، كەلەمەجدەۋ، كەكتەنۋ، ءوش الۋ، ت.س.س ورەسكەل، قياس قىلىقتاردىڭ، انايىلىق نە جابايىلىقتىڭ، نەمەسە قۇرامىندا قانداي دا ءبىر قىلمىستىق ءىستىڭ جوقتىعىن دالەلدەپ، ايشىقتاپ بەردى.

ماقالا بارىسىندا قولدانعان سوزدەردىڭ جەرگىلىكتى مەنتاليتەتكە بايلانىستى ۇنەمى اشىق قولدانىستاعى بايرىعى قازاقتىڭ سوزدەرى ەكەندىگىن بەلگىلى ءبىر جازۋشىلاردىڭ عىلىمي جۇمىستارىنا سۇيەنە وتىرىپ دالەلدەمە بەردى. ودان بولەك، سوتتىڭ ساراپتاۋى بويىنشا دا ماقالاداعى جازىلعان دۇنيەلەردىڭ 100 پايىز شىندىققا جاناساتىنىن، ءىشى تۇنعان حالىقتىڭ شىرىلداعان جان-ايقايى ەكەنىن، ت.س.س (ديسكى، فلەشكاداعى بەينەتاسپالار) جيناقتالعان دالەلدەمەلەردىڭ دە اقيقات ەكەنىن باستى نازاردا ۇستاپ، قازىرگى كەزەڭدە ء"ادىل سوت" دەگەن اتاققا ەش كىربىڭ، سىزات تۇسىرمەي، ادىلدىكتىڭ تۋىن جەلبىرەتكەن، ءوز ءىسىن ادال، ابىرويلى اتقاراتىن سۋديا ر.الدامبەرگەنوۆ تۇرار شاپقارانى اقتاپ شىعاردى.

اقيقات قاشاندا ايتىلۋ كەرەك جانە ايتىلا بەرمەك! ءبىز وتىرىكشى حالىق ەمەسپىز! ۇرپاق الدىنداعى بورىشىمىزدى ۇمىتپايىق جانە بۇرمالامايىق! ەل ءۇشىن شىرىلداعان ازاماتتى ءنافساني اركىم ءار تۇستان شيبورىشە تالاپ باس كوتەرتپەسە ەلدىڭ قامىن كىم ويلايدى سوندا؟ تۇرار شاپقارانى الداعى ۋاقىتتا تاعى دا قانداي ارىزدار لەگى كۇتىپ تۇر ەكەن؟

يمانقۇل يماندوس

Abai.kz