پرەزيدەنت نۇرسۇلتان نازارباەۆ قر «قازاقستان رەسپۋبليكاسىندا تۇراتىن شەتەلدىكتەردى تەگىن ەمدەۋ تۋرالى» زاڭعا قول قويىپتى.

ال، قازاقستان ازاماتتارى مەديتسينالىق كومەك الۋ ءۇشىن مەديتسينالىق ساقتاندىرۋ تولەمىن تولەۋگە مىندەتتەلگەن، ياعني تەگىن ەمەس.

قر كونستيتۋتسياسىنىڭ 10- بابىنىڭ 3- تارماعىندا «رەسپۋبليكا ازاماتىنىڭ باسقا مەملەكەتتىڭ ازاماتتىعىندا بولۋى تانىلمايدى» دەپ كورسەتىلگەن.

ال، قر كونستيتۋتسياسىنىڭ 12-بابىنىڭ 3-تارماعىندا «رەسپۋبليكانىڭ ازاماتى ءوزىنىڭ ازاماتتىعىنا وراي قۇقىقتارعا يە بولىپ، مىندەتتەر اتقارادى.»، ال 4-تارماعىندا «كونستيتۋتسيادا، زاڭداردا جانە حالىقارالىق شارتتاردا وزگەشە كوزدەلمەسە، شەتەلدىكتەر مەن ازاماتتىعى جوق ادامدار رەسپۋبليكادا ازاماتتار ءۇشىن بەلگىلەنگەن قۇقىقتار مەن بوستاندىقتاردى پايدالانادى، سونداي-اق مىندەتتەر اتقارادى»،-دەپ جازىلعان.

قر كونستيتۋتسيالىق كەڭەسىنىڭ 2003 جىلعى 1 جەلتوقسانداعى «قازاقستان رەسپۋبليكاسى كونستيتۋتسياسىنىڭ 10 جانە 12-باپتارىن رەسمي ءتۇسىندىرۋ تۋرالى» N 12 قاۋلىسىندا «قازاقستان رەسپۋبليكاسى ازاماتتارىنىڭ كونستيتۋتسيالىق-قۇقىقتىق مارتەبەسى، ولاردىڭ زاڭ الدىندا تەڭ بولا وتىرىپ، كونستيتۋتسيامەن بەلگىلەنگەن قۇقىقتاردىڭ، بوستاندىقتار مەن مىندەتتەردىڭ بارلىق كەشەنىنە يە بولۋىن كوزدەيدى. شەتەلدىكتەر مەن ازاماتتىعى جوق ادامدار ءۇشىن وزگە، شەكتەۋلى كونستيتۋتسيالىق-قۇقىقتىق مارتەبە كوزدەلگەن» دەپ تۇسىندىرەدى.

سوندىقتان، شەتەلدىكتەر قازاقستاندا قازاقستان رەسپۋبليكاسىنىڭ ازاماتتارىمەن تەڭ نەمەسە ارتىق قۇقىققا يە بولا المايدى.

ال، پرەزيدەنت نۇرسۇلتان نازارباەۆ قول قويعان قر «قازاقستان رەسپۋبليكاسىندا تۇراتىن شەتەلدىكتەردى تەگىن ەمدەۋ تۋرالى» زاڭى شەتەلدىكتەردى قازاقستان رەسپۋبليكاسىنىڭ ازاماتتارىنان جوعارى قويىپ، ارتىق قۇقىق بەرىپ وتىر.

دەمەك، قر «قازاقستان رەسپۋبليكاسىندا تۇراتىن شەتەلدىكتەردى تەگىن ەمدەۋ تۋرالى» زاڭىنىڭ قابىلدانۋى  قر كونستيتۋتسياسىنا جانە قر كونستيتۋتسيالىق كەڭەسىنىڭ 2003 جىلعى 1 جەلتوقسانداعى «قازاقستان رەسپۋبليكاسى كونستيتۋتسياسىنىڭ 10 جانە 12-باپتارىن رەسمي ءتۇسىندىرۋ تۋرالى» N 12 قاۋلىسىنا قايشى ەكەنىن بىلدىرەدى.

قر كونستيتۋتسياسىنىڭ 4-بابىنىڭ  2-تارماعى بويىنشا كونستيتۋتسيانىڭ ەڭ جوعارى زاڭدى كۇشى بار جانە رەسپۋبليكانىڭ بۇكىل اۋماعىندا ول تىكەلەي قولدانىلادى. سونىمەن بىرگە بارلىق زاڭدار كونستيتۋتسياعا قايشى كەلمەۋى كەرەك.

قر «قۇقىقتىق اكتىلەر تۋرالى» زاڭىنىڭ 5-بابىنىڭ 1-تارماعى بويىنشا قازاقستان رەسپۋبليكاسى كونستيتۋتسيالىق كەڭەسىنىڭ نورماتيۆتىك قاۋلىلارى قازاقستان رەسپۋبليكاسىنىڭ كونستيتۋتسياسىنا عانا نەگىزدەلەدى جانە بارلىق وزگە دە نورماتيۆتىك قۇقىقتىق اكتىلەر ولارعا قايشى كەلە المايدى.

سوندىقتان، قر «قازاقستان رەسپۋبليكاسىندا تۇراتىن شەتەلدىكتەردى تەگىن ەمدەۋ تۋرالى» زاڭى قر كونستيتۋتسياسىنا، قازاقستان رەسپۋبليكاسى كونستيتۋتسيالىق كەڭەسىنىڭ نورماتيۆتىك قاۋلىسىنا قايىش زاڭ رەتىندە كۇشى جويىلۋى ءتيىس.

ماقسات ءىلياسۇلى، زاڭگەر

Abai.kz