پەتروپاۆلداعى پراۆوسلاۆ اۋليەلەرى پەتر جانە پاۆەلدى ەسكە الۋعا ارنالعان "كرەست شەرۋى". پەتروپاۆل، 12 شىلدە 2017 جىل. Cۋرەت ازاتتىق راديوسىنىڭ سايتىنان الىندى.

پەتروپاۆل قالاسىندا حريستيان اۋليەلەرى پەتر مەن پاۆەلدى ەسكە الۋ كۇنىنە وراي "كرەست شەرۋى" ءوتتى، - دەپ حابارلايدى Azattyq.org باسىلىمى. شەرۋگە قاتىسۋشى پراۆوسلاۆتار اۋليلەردىڭ سوبورىنان باستاپ قالا كوشەلەرىن ءجۇرىپ ءوتتى. جىل سايىن وتەتىن كرەست شەرۋىنە كازاكتار دا قاتىستى. ولار پەتر مەن پاۆەلدىڭ پراۆوسلاۆتار ءۇشىن ۇلى اۋليە ەكەندەرىن ايتادى.

- ولار حريستيان اۋليەلەرى. ءبىز ولاردى قۇرمەتتەيمىز، ەسكە الامىز.
پەتر مەن پاۆەل پراۆوسلاۆتار ءۇشىن وتە قادىرلى، - دەيدى ءسىبىر كازاكتارى باۋىرلاستىعى قوعامدىق بىرلەستىگىنىڭ اتامانى ۆيكتور تارانوۆ.

پراۆوسلاۆتار نيكولاي پوگودين اتىنداعى ورىس دراما تەاترىنىڭ الدىنا جينالدى. تاريحي دەرەكتەرگە سايكەس، وتكەن عاسىردا بۇل جەردە شىركەۋ بولعان. "كرەست شەرۋىنە" قاتىسۋشىلار جىلداعى داستۇرمەن كوشەلەردى ءجۇرىپ ءوتىپ، قالانى سۋمەن الاستاپ شىقتى.

حريستيان اۋليەلەرى پەتر مەن پاۆەل كۇنىنە ارنالعان مەركەلىك شارا اۋليەلەر عيباداتحاناسىنىڭ الدىندا اياقتالدى. "كرەست شەرۋىنە" بارلىعى ەكى مىڭ ادام قاتىستى، ونىڭ 70-ءى - كازاكتار.

Abai.kz