بۇۇ سيريانىڭ سولتۇستىگىندە گۋمانيتارلىق جۇك ۇلەستىرە باستادى
ازىق-تۇلىكتىڭ العاشقى پارتياسىن مانسۋر قالاسىنداعى مىڭداعان بوسقىن الا باستادى. باشار اساد بيلىگى ماۋسىم ايىندا بۇۇ-عا ەلدىڭ سولتۇستىك-شىعىسىنداعى كاميشلي قالاسىنا باراتىن جولدا گۋمانيتارلىق كومەك ۇلەستىرۋگە رۇقسات ەتكەن ەدى.
پروۆينتسيانىڭ بۇل اۋداندارىندا راككا قالاسىنداعى اسكەري قيمىلداردان قاشقان بوسقىندار شوعىرلاندى. اقش باسقاراتىن كواليتسيا كۇشتەرى راككانى "يسلام مەملەكەتى" سودىرلارىنان ازات ەتۋگە تالپىنىپ جاتىر.
بۇۇ مالىمەتى بويىنشا، بيىل ءساۋىر ايىنان باستاپ بۇل ايماقتا 190 مىڭنان استام ادام بوسىپ كەتتى، 50 مىڭعا جۋىق تۇرعىن قورشاۋداعى قالادا قالدى.
پروۆينتسياداعى كوپتەگەن جولدار 2014 جىلى جابىلعان، سول كەزدە يم كۇشتەرى راككانى اكىمشىلىك ورتالىعى ەتىپ، ونى سيرياداعى حاليفات استاناسى دەپ جاريالاعان ەدى.
Abai.kz
