БҰҰ Сирияның солтүстігінде гуманитарлық жүк үлестіре бастады
Азық-түліктің алғашқы партиясын Мансур қаласындағы мыңдаған босқын ала бастады. Башар Асад билігі маусым айында БҰҰ-ға елдің солтүстік-шығысындағы Камишли қаласына баратын жолда гуманитарлық көмек үлестіруге рұқсат еткен еді.
Провинцияның бұл аудандарында Ракка қаласындағы әскери қимылдардан қашқан босқындар шоғырланды. АҚШ басқаратын коалиция күштері Ракканы "Ислам мемлекеті" содырларынан азат етуге талпынып жатыр.
БҰҰ мәліметі бойынша, биыл сәуір айынан бастап бұл аймақта 190 мыңнан астам адам босып кетті, 50 мыңға жуық тұрғын қоршаудағы қалада қалды.
Провинциядағы көптеген жолдар 2014 жылы жабылған, сол кезде ИМ күштері Ракканы әкімшілік орталығы етіп, оны Сириядағы халифат астанасы деп жариялаған еді.
Abai.kz
