تۇركيا ىشكى ىستەر مينيسترلىگى "يسلام مەملەكەتى" ەكسترەميستىك توبىمەن بايلانىسى بار دەپ 1914 قازاقستاندىقتى ايىپتادى، - دەپ حابارلايدى Abai.kz.

تۇركيا ۇكىمەتى ءوز شەكاراسى ارقىلى سيرياعا وتپەك بولعان 53781 شەتەلدىك ازاماتتى قارا تىزىمگە قوسقان. ولاردىڭ اراسىندا 1914 قازاقستان ازاماتى بار. بۇعان قوسا، 7523 ساۋد ارابيالىق، 4128 رەسەيلىك، 2651 تاجىكستاندىق، 2622 فرانتسيالىق. 1677 ازەربايجاندىق قارا تىزىمگە ەنگەن. تۇركيا زاڭى بويىنشا ەندى "قارا تىزىمدەگى" ازاماتتار ەل تەرريتورياسىنا كىرە المايدى.

تۇركيا قاۋىپتەنىپ وتىرعان 1914 ازامات كىم؟ ولار قازىر قايدا ءجۇر؟ سيريادا ما، قازاقستاندا ما؟ بىلتىرعى توڭكەرىستەن كەيىن ەردوعان بيلىگى كۇللى «گۇلەنشىلەردى» لانكەستەر دەپ ايىپتاي باستاعان ەدى. بالكي بۇ 1914 ازامات قازاقستانداعى گۇلەنشىلەر شىعار.

ءبىزدىڭ سىرتقى ىستەر مينيسترلىگى مەن ۇلتتىق قاۋىپسىزدىك كوميتەتى تۇركيا بەرگەن مالىمەتتى ناقتىلاپ تەكسەرۋى ءتيىس. ءبىر ەمەك، ەكى ەمەس 1914 ازاماتىمىز لانكەس دەپ ايىپتالىپ وتىر.

كەشە عانا ەشبىر دالەلسىز «قىتايداعى قازاقتار قازاقستان ارقىلى سيرياعا جيھادقا اتتانىپ جاتىر»  دەگەن نەگىزسىز اقپاراتتار تاراعان بولاتىن. سىرتقى ىستەر مينيسترلىگى مەن ۇلتتىق قاۋىپسىزدىك كوميتەتى ەل اراسىندا گۋلەگەن اقپاراتتىڭ راس-وتىرىكتىگىنە تويتارىس بەرگەن جوق. ەندى تۇركيا جاريالاعان اقپاراتتىڭ شىندىعىن اشپاسا، اقپاراتتىق مايداندا تاعى دا جەڭىلىس تاباتىنى راس.

ءبىز لانكەستىككە قارسى ەلمىز. قازاق كورسوقىر اعىمداردىڭ جەتەگىندە كەتەتىن ەل ەمەس. سوندا دا كوپ بولعان سوڭ، 18 ميلليون حالىقتىڭ ىشىنەن 1914 ادامنىڭ جات جولعا ءتۇسۋى مۇمكىن دە شىعار. ەلدى ەكىۇداي ويدا قالدىرماۋ ءۇشىن ءبىزدىڭ قۇزىرەتتى ورگاندار بۇگىننەن قالدىرماي رەسمي مالىمدەمە جاساۋى كەرەك.

ءشارىپحان قايسار

Abai.kz