تاجىكستاندا كوررۋپتسيامەن كۇرەسۋشى ەكس-شەنەۋنىكتەردىڭ سوتى جابىق ءوتىپ جاتىر
سارسەنبى كۇنى تاجىكستاننىڭ جوعارعى سوتىندا كوررۋپتسياعا قارسى كۇرەس مەكەمەسىنىڭ بۇرىنعى ون شەنەۋنىگىنە قاتىستى سوت وتىرىسى جابىق ءوتتى. ايىپتالۋشىلار اراسىندا تەك عانا كوررۋپتسياعا قارسى كۇرەس اگەنتتىگىنىڭ شەنەۋنىكتەرى ەمەس، باس پروكۋراتۋرا، كەدەن قىزمەتىنىڭ بۇرىنعى لاۋازىمدى ازاماتتارى دا بار.
بەلگىلى بولعانداي، سوت وتىرىسى ەكى زالدا قاتار ءوتىپ جاتىر.
سوتقا تەك ادۆوكاتتاردى عانا كىرگىزگەن. سوتتالۋشىلاردىڭ تۋىستارى مەن باق وكىلدەرىن زالعا كىرگىزبەدى.
ايىپتالۋشىلار ىشىندە كوررۋپتسياعا قارسى كۇرەس اگەنتتىگى ديرەكتورىنىڭ بۇرىنعى ورىنباسارى داۆلاتبەك حايرزود پەن تەرگەۋ باسقارماسىنىڭ باسشىسى فيرۋز حولمۋرودزودا بار. بۇل ىسكە قاتىستى سوتتالۋشىلاردىڭ ءبارى ءىرى كولەمدە پارا الدى جانە الاياقتىق جاسادى دەپ ايىپتالىپ وتىر.
Abai.kz
