بىرنەشە اي بۇرىن ەسكەرتكىشتىڭ اينالاسى جوندەۋ جۇمىستارىنا بايلانىستى قورشالعان بولاتىن. جەرگىلىكتى تۇرعىنداردىڭ ايتۋىنشا، ەسكەرتكىشتى دەمونتاج جاساۋعا ءتورت اي ۋاقىت كەتكەن.

تۇركىمەنستان بيلىگى بۇرىنعى پرەزيدەنتتىڭ ەسكەرتكىشىن الۋ جونىندەگى جوسپاردى وسىعان دەيىن حابارلاماعان. كەيىن دە تۇسىنىكتەمە بەرمەدى. جەرگىلىكتى باق-تا بۇل جونىندە ەشنارسە جازبادى. التىن جالاتىلعان ەسكەرتكىش 2000 جىلدىڭ باسىندا ورناتىلعان بولاتىن.

1985-2006 جىلدارى ساپارمۇرات نيازوۆ ەلدى باسقارىپ تۇرعان ۋاقىتتا تۇركىمەنستاندا وعان ارناپ جۇزدەگەن ەسكەرتكىش پەن ءمۇسىن قويىلعان.

اشحابادتىڭ ورتالىق الاڭىنداعى "بەيتاراپتىق مونۋمەنتى" جانىندا ورىن تەپكەن ەڭ ءىرى التىننان جاسالعان تۇركىمەنباشى ەسكەرتكىشىن 2011 جىلى الىپ تاستادى. رەسمي مالىمەت بويىنشا ەسكەرتكىشتى سۇرۋگە 50 ميلليون دوللار جۇمسالعان.

Abai.kz