قازاقستاندا كۇن رايىن بولجاۋشىلار 43 گرادۋسقا دەيىن ىستىق بولادى دەپ ەسكەرتەدى
باتىس قازاقستان وبلىسىنىڭ (بقو) تۇرعىندارىنا سمس-حابارلاما ارقىلى اۋا تەمپەراتۋراسى +43 گرادۋسقا دەيىن كوتەرىلەدى دەگەن ەسكەرتۋلەر كەلىپ جاتىر. "قازگيدرومەتتىڭ" بقو بويىنشا ينجەنەر-سينوپتيگى اننا چۋريكوۆا ەلدە سوڭعى رەت +41 گرادۋس ىستىقتىڭ 1952 جىلى بولعانىن ايتادى.
سينوپتيك وبلىستىڭ اقجايىق، جانعالى، بوكەيوردا جانە قاراتوبە ايماقتارىندا +43 گرادۋسقا دەيىن كوتەرىلەدى دەيدى. وبلىس ورتالىعى ورالدا +38 گرادۋسقا دەيىن ىستىق بولادى، بۇل تەمپەراتۋرا تامىز ايىنا دەيىن ساقتالادى ەكەن.
قازاقستاننىڭ اتىراۋ، ماڭعىستاۋ وڭىرىندە 28–29 شىلدەدە جانە قوستاناي، اقتوبە وبلىستارىندا 29–30 شىلدەدە اۋا تەمپەراتۋراسى 40–43 گرادۋسقا دەيىن كوتەرىلەدى", – دەپ ەسكەرتەدى "قازگيدرومەت".
Abai.kz
