«ازاماتتىق باستامالاردى قولداۋ ورتالىعىنىڭ» قولداۋىمەن  «گۋونلەن» جاستار ورتالىعى «بەرەكە كوزى – بىرلىكتە» اتتى جوبا ۇيىمداستىرۋدا. اتالمىش جوبا اياسىندا 2017 جىلدىڭ 28 شىلدەسىندە اقتاۋ قالاسىندا «دوستىق  شۋاعى» اتتى وڭىرلىك ەتنومادەني فەستيۆال – بايقاۋى ءوتتى.

فەستيۆالدىڭ باستى ماقساتى – ەلدەگى تۇراقتىلىق پەن كەلىسىمنىڭ قازاقستاندىق ۇلگىسىن، بىرلىكتى ناسيحاتتاۋ، كورسەتۋ.

سونداي-اق، ماڭعىستاۋ وبلىسىندا «دوستىق شۋاعى» ەتنومادەني فەستيۆال – بايقاۋى مەن كاۆكاز حالقىنىڭ قولونەر كورمەسى ءوتتى.

فەستيۆالدە ءارتۇرلى ۇلت وكىلدەرى مەن شىعارماشىلىق ۇجىمنىڭ جەتەكشىلەرى  قاتىستى. سونداي-اق «ەحپايرۋتيۋن» ارميان ەتنومادەني بىرلەستىگىنەن – سااكيان ارمەن، «رۋسسكوە زەملياچەستۆو» ەتنومادەني بىرلەستىگىنەن – بايكوۆ ولەگ، گالينا پوگورەلوۆا، لەزگين ەتنومادەني بىرلەستىگىنەن – «سامۋر» لەزگين اسپاپتىق ءانسامبلى، داعىستان حالقىنىڭ «داعىستان» مادەني ورتالىعىنان – مارينا راحمانوۆا جانە «نۇر» بي ءانسامبلى اتسالىستى.

ءىلياس اقباي

Abai.kz