42 جاستاعى باحروم حولماتوۆ بيىل 10 ساۋىردە حۋدجاند قالاسىندا كارىستەردىڭ پروتەستانتتىق شىركەۋىن تەكسەرۋدەن سوڭ ۇستالدى. سول كەزدە قۇقىققورعاۋ مەكەمەسى ەر كىسىنى ەكسترەميزمگە قاتىسى بار دەگەن كۇدىكپەن ۇستاعانىن حابارلاعان.

حريستيان شىركەۋىنىڭ ۆەب-سايتىندا كەلتىرىلگەن دەرەك بويىنشا، 10 ساۋىردە قاۋىپسىزدىك ورگانىنىڭ قىزمەتكەرلەرى شىركەۋگە باسا-كوكتەپ كىرىپ كەلىپ، كەلۋشىلەردى نەگىزسىز ۇستاي باستاعان. شىركەۋدەن جانە كەلۋشىلەردىڭ ءبىرى باحروم حولموتوۆتىڭ ۇيىنەن ءدىني ادەبيەت تابىلعان، ساراپشىلار ونىڭ "ەكسترەميستىك مازمۇنى بار" دەپ تانىعان.

سوت وكىلدەرىمەن جانە سوتتالۋشىنىڭ تۋىستارىمەن حابارلاسۋ مۇمكىن بولمادى. بۇنىڭ الدىندا "فورۋم-18" سايتى حولماتوۆ تۋىستارى سوت ىسىنە قاتىستى پىكىر بىلدىرگىسى كەلمەيتىنىن جازعان. شىركەۋگە كەلۋشىلەر دە قۋعىندالۋدان قورقىپ وتىر.

تاجىكستان بيلىگىنىڭ مالىمەتى بويىنشا، "سونمين سونبوگىم" حريستيان شىركەۋىنىڭ رەسمي تىركەۋى جوق، سول سەبەپتى ونىڭ ەل اۋماعىنداعى قىزمەتى زاڭسىز سانالادى. دەگەنمەن كارىس شىركەۋىنىڭ سايتىندا "سونمين سونبوگىم" ورتالىعى 2009 جىلى تاجىكستاننىڭ ءدىن ىستەرى جونىندەگى كوميتەتىندە تىركەۋدەن وتكەنى تۋرالى جازىلعان.

Abai.kz