جەمقورلار بارلىق جەردە دە بار شىعار. الايدا بىزدەگى جەمقورلاردىڭ ءجونى بولەك. ولار «تۇيەنى تۇگىمەن، بيەنى جۇگىمەن» جۇتقاندا تاماعى بۇلك ەتپەيدى. قاقالىپ قالارمىن دەپ تە ويلامايدى. قاناعات دەگەننەن مۇلدەم جۇرداي. بۇلاردىڭ كوش باسىندا اق جاعالى شەنۋنىكتەر كەلەدى ەكەن.

وسىنشاما قاراقۇرىم جۇرتتىڭ تاماعىنان ءوتىپ كەتكەن دۇنيەنى ەسەپتەگەندە جاعاڭدى ۇستايسىڭ قازاقستان رەسپۋبليكاسى قارجى مينيسترلىگىنىڭ كىرىستەر جونىندەگى كوميتەتتىڭ الدىن الۋ جۇمىستارى جانە باقىلاۋ باسقارماسىنىڭ باسشىسى ارمان ەسەمباەۆتىڭ ايتۋىنا قاراعاندا تەك بيىلعى جارتى جىلدىڭ وزىندە الگى شەنەۋنىكتەرىمىز بارلىعى 150 ميلليارد تەڭگەنى جىمقىرىپ قويىپتى. بۇلار نەگىزىنەن مەملەكەتتىڭ الەۋمەتتىك باعدارلاماسىنا بولىنگەن قارجى كورىنەدى.

ال ەندى وسىنشاما مول دۇنيەگە نە ىستەۋگە بولار ەدى؟ قاراپ وتىرساڭ، كوپتەگەن يگى ىستەر اتقارىلىپ، ءبىرتالاي شارۋانىڭ بەتى بەرى قارار ەدى. ماسەلەن، وسىنشاما قارجىعا 1200 بالاعا ارنالعان 70 مەكتەپ، 80 بالا باقشا، نەمەسە جاقسى جاراقتالعان 40 اۋرۋحانا سالىپ تاستاۋعا ەركىن جەتەدى ەكەن.

مىنەكەي، شەنەۋنىكتەرىمىز جەمقورلىعىنان  قانشاما بالا مەكتەپسىز، قانشاما ءسابي بالاباقشاسىز، قانشاما سىرقات اۋرۋحاناسىز قالدى. ءاي، وعان ۇرا بەرسەڭ، سەمىرە بەرەتىن بورسىققا ۇقساس شەنەۋنىكتەرىمىزدىڭ جانى اشي قويار دەرمىسىڭ.

جايبەرگەن بولاتوۆ

Abai.kz