دونالد ترامپ: "سولتۇستىك كورەيا ۇلكەن كەلەڭسىزدىككە تاپ بولادى"
اقش پرەزيدەنتى دونالد ترامپتىڭ بەيسەنبى، 10 تامىزدا جۋرناليستەرگە مالىمدەۋىنشە، ول سولتۇستىك كورەيا ماسەلەسىندە ۇنەمى كەلىسسوزدەردى جاقتاعان. بىراق پحەنيان قۇراما شتاتتارعا زيانىن تيگىزۋدى ويلاسا، ول ۇلكەن كەلەڭسىزدىككە تاپ بولار ەدى، دەدى ول.
ترامپ سولتۇستىك كورەيانى وسى باعىتىنان تانبايتىن بولسا، "بۇرىن-سوڭدى بولماعان ۇلكەن كەلەڭسىزدىككە ۇشىرايتىنىن" ەسكەرتتى.
8 تامىزدا Washington Post باسىلىمىنىڭ كحدر ءوزىنىڭ زىمىراندارىن يادرولىق وقتۇمسىقپەن وقتاي الاتىنىن جازعان ۋاقىتتا، امەريكالىق پرەزيدەنت ۆاشينگتوننىڭ پحەنيان ارەكەتىنە "وتتى قاھارمەن" جاۋاپ بەرەتىنىن مالىمدەگەن. گازەت مۇنداي بولجامىن اقش بارلاۋ قىزمەتىنىڭ مالىمەتتەرىنە سۇيەنە وتىرىپ جاساعان.
ترامپتىڭ بۇل مالىمدەمەسىنە جاۋاپ بەرگەن پحەنيان قۇراما شتاتتاردىڭ تىنىق مۇحيتىنداعى گۋام ارالىندا ورنالاسقان اسكەري بازالارىن سوققىلاۋ جوسپارى بارىن جاريالادى. سولتۇستىك كورەيا وسىلايشا ۆاشينگتونعا "ەسكەرتۋ جاساماق" ەكەنىن مالىمدەدى.
Abai.kz
