17 تامىز كۇنى ساعات 11.00-دە استاناداعى «قازانات» اتشابارىندا اۋدارىسپاقتان ءى حالىقارالىق ءتۋرنيرى شىمىلدىعىن اشادى. ال، 21 تامىز كۇنى كوكپاردان I الەم چەمپيوناتى وتپەك. بۇل جونىندە مادەنيەت جانە سپورت ءمينيسترى ارىستانبەك مۇحامەديۇلى ءوزىنىڭ Facebook-تەگى پاراقشاسىندا جازدى.

مينيستر: «دوستار، تاعى ءبىر قۋانىشتى جاڭالىق! ۇلتتىق سپورتقا جاناشىر جانكۇيەرلەردى 17 تامىز كۇنى ساعات 11.00-دە استاناداعى «قازانات» اتشابارىندا  وتەتىن اۋدارىسپاقتان ءى حالىقارالىق اشىق ءتۋرنيردىڭ اشىلۋىنا شاقىرامىن! ازيا قۇرىلىعىندا قارسىلاس شاق كەلتىرمەي، كوپ جىل بويى كىلەڭ جەڭىس تۇعىرىنا تابان تىرەۋمەن كەلگەن قۇرىش بىلەكتى، تۇكتى جۇرەكتى سپورتشىلارىمىزعا ساتتىلىك تىلەيىك!» دەپ جازعان پاراقشاسىندا.  

اۋدارىسپاقتان وتەتىن ءى حالىقارالىق اشىق ءتۋرنيرى جالعاسىن تاۋىپ، ارتى كوكپارعا ۇلاسپاق. قازاقتىڭ ۇلتتىق سپورت ويىنى سانالاتىن كوكپار سايىسىندا ءبىزدىڭ جىگىتتەر كوۆبويلارمەن كۇش سىناساتىن بولادى. مينيستر مۇحامەديۇلى بۇل جونىندە دە كەڭىرەك توقتالىپ: «دوستارىم، ۇلتتىق سپورتتى ۇلىقتاۋ ءداستۇرىن جالعاستىرىپ جاتىرمىز! كوۆبويلار دا كوكپار تارتادى ەكەن! تۇركى جۇرتىنا ءتان ۇلتتىق سپورت تۇرلەرى مۇحيت اسىپ امەريكاعا دا جەتتى. جامبى اتۋدى ەڭسەرگەن شەتەلدىكتەر ەندى قازاق جەرىندە كوكپار تارتپاق. 21 تامىز ساع 17.00-دە  استانا قالاسىنىڭ «قازانات» اتشابارىندا كوكپاردان I الەم چەمپيوناتى اشىلادى. تۇڭعىش رەت وتكىزىلگەلى وتىرعان ماڭىزدى شاراعا  الەمنىڭ 12 ەلىنەن سايدىڭ تاسىنداي ىرىكتەلىنىپ الىنعان سايىپقىراندار قاتىسادى.  تۇركى حالقىنىڭ تەكتى باتىرلارى مەن Rodeo جۇلدىزدارى 27 تامىزعا دەيىن ءوزارا مىقتىنى انىقتايدى. بايراقتى باسەكەدەن قالىس قالماڭىزدار!» دەپ قالىڭ جۇرتشىلىققا حابار بەردى.

مادەنيەت مينيسترلىگى قازاقتىڭ ۇلتتىق قۇندىلىقتارىن الەمدىك دەڭگەيدە ناسيحاتتاۋعا بەل شەشە كىرىسىپ جاتىر. الەمنىڭ تۇپكىر-تۇپكىرىنەن سپورتشىلار شاقىرىلعان دوداعا قازاقستاندىقتاردى ءمينيستردىڭ ءوزىنىڭ شاقىرۋى بۇرىن قازاق قوعامىندا بولماعان ۋاقيعا. بۇل بىرىنشىدەن، ءبىزدىڭ ويىمىزشا - "know how". ەكىنشىدەن، وزگە مينيسترلەر ۇلگى الۋعا بولارلىق جايت. ۇشىنشىدەن، حالىق پەن بيلىكتىڭ اراسىن جاقىنداتاتىن قادام. سەبەبى، كەز-كەلگەن شاراعا حالىقتى مىندەتتەپ ەمەس، قۇرمەتتەپ شاقىرۋدىڭ ۇلگىسىن مۇحامەديۇلى كورسەتىپ وتىر.

Abai.kz