سونىمەن، قازاق ءتىلى ماسەلەسى تاعى وزەكتى بولدى. قوعام مەملەكەتتىك ءتىلدىڭ تولىققاندى ءىس-جۇزىنە اسۋىن تاعى تالاپ ەتتى. بۇل قوعامنىڭ باسىم كوپشىلىگىنىڭ تاڭداۋى. رۋحاني - əلەۋمەتتىك تەندەنتسيا.

وكىنىشكە وراي، قۇزىرلى ورگاندار مەن بيزنەس قاۋىمداستىعى تاعى "قالىس قالدى". بۇل مەملەكەتتىك ورگانداردىڭ سىڭارجاق ساياسات جۇرگىزىپ وتىرعاندىعىن كورسەتەدى. وكىنىشتى. سوندا وتىرعان ازاماتتار، وزدەرى قازاقستان مەملەكەتىنىڭ زاڭىنا "قالىس قارايتىندىعىن " اڭعارتادى. ءوز "رۋحاني ۇيىرىنەن" جيرەنىپ كەتكەن سىڭايلى.

ال ەندى، انا تىلىمىزگە كەلەتىن بولساق، "بالىق باسىنان ءشىريدى", وكىمەت پەن پارلامەنت قازاق تىلىندە سويلەۋى قاجەت. شىنى كەرەك، ءماسىموۆتىڭ وكىمەتىنىڭ كەزىندە، وكىمەت قازاق تىلىندە كوبىرەك سويلەدى. جəي بولسا دا، انا تىلىمىزگە جاعىمدى دەكلاراتسيا بولدى. جاڭا وكىمەت، انا ءتىلىمىزدى "قوسىمشا" دەپ ەسەپتەيدى. وگەي بالا، "توقالدان تۋعان" ءتəرىزدى. ويىنشىق، قاجەت كەزىندە وينايدى، "شارشاعان كەزدە" لاقتىرىپ تاستايدى. مينيسترلەر "تالاق" دەپ قۋىپ جىبەرەدى. انا تىلىمىزگە شىنايى قۇرمەت بولۋى ءۇشىن، "تورەلەر", ياعني مينيسترلەر قازاقشا سويلەۋى شارت.

ەرلان سايروۆ

Abai.kz