جەتكەن جەرىمىز وسى بولسا كەرەك، قوڭشىلاس رەسەيگە تانىمال ساياساتكەر اندرەي كارپوۆ دەيتىن بىرەۋ الماتىنى سەكس-ءتۋريزمنىڭ ورتالىعى ەتۋدى ۇسىنىپتى. 

رەسەيلىك ءام ورىس ءتىلدى اقپارات قۇرالدارى ءسۇيىنشى سۇراعانداي جارىسا جازىپ جاتىر.

سويتكەن اندرەي نە دەدى؟ "الماتىنى سەكس-ءتۋريزمنىڭ ورتالىعىنا اينالدىرۋعا ابدەن بولادى" دەدى. ول ءۇشىن الدىمەن جەزوكشەلىكتى زاڭداستىرۋ كەرەكتىگىن دە ايتتى.

قىز كۇنىنەن قىتىعىن جوعالتقان سىلقىمدار قازاقستاندا عانا ەمەس، ءازىربايجاندا دا از ەمەستىگىن ەسكەرىپ، جەزوكشەلىكتى ول جاقتا دا زاڭداستىرۋدى ۇسىنىپتى.

كارپوۆتىڭ سوزىنشە، بۇل ماسەلە ءبىزدىڭ ەلدە ءبىرازدان بەرى ويلاستىرىلىپ جاتقان كورىنەدى. مىسالى، "كومكون. ەۆرازيا-2" دەيتىن كومپانيا  الماتىدا الەۋمەتتىك ساۋالناما جۇرگىزىپتى. ناتيجەسىندە الماتىلىقتاردىڭ 55%-ى قارسى بولعان. ويتكەنى بۇت اڭدۋدىڭ ارتى بۇلىكپەن اياقتالادى دەپ پىكىر ايتقان.

اندرەي كارپوۆتىڭ جازۋىنشا، وعان الماتىلىق ءبىر جۋرناليست كەلىپ، قالاعا شەتەلدىك تۋريستەردى كوپتەپ تارتۋدىڭ تاعى ءبىر جولى وسى ەكەنى ايتقان-مىس.

ءبىز نە دەيمىز؟ بايبەك باسقاراتىن ايدىك شاھار تۇنگى كوبەلەكتەردىڭ ءناجىسحاناسىنا اينالماۋى كەرەك. بۇل تالقىلاۋعا جاتپايتىن ماسەلە.

ءسىز نە دەيسىز؟

ءىلياس اقباي

Abai.kz