قاجىلىققا بارا جاتقان ادام ەسىرتكىمەن ۇستالدى
![](http://abai.kz/content/uploads/2017/08/FFC3E4AD-AF33-45AC-BE9B-0C7EE6D11643_w1023_r1_s.jpg)
سامارقاند اۋەجايىنىڭ كەدەن قىزمەتكەرلەرى مەككەگە، قاجىلىققا بارا جاتقان ادامدى ەسىرتكىمەن ۇستاعان. بۇل جونىندە وزبەكستاننىڭ مەملەكەتتىك كەدەن كوميتەتى حابارلايدى.
كەدەن كوميتەتىنىڭ قىزمەتكەرلەرى تەكسەرۋ بارىسىندا شامشي احروروۆ دەگەن وزبەك ازاماتىنان 72 گرامم اپيىن مەن 6 مىڭعا جۋىق اقش دوللارى جانە وزگە ەلدىڭ ۆاليۋتاسىن تاركىلەگەن. ەر ازامات ەسىرتكىنى تابا ناننىڭ اراسىنا جاسىرعان ەكەن.
ساۋد ارابيا ەلدەرىنىڭ زاڭىنا سايكەس، وسى اۋماقتا ەسىرتكى، كونتراباندامەن ۇستالعان ازاماتتار ءولىم جازاسىنا كەسىلەدى.
بۇل فاكتىگە قاتىستى پروكۋراتۋرا قىلمىستىق ءىس قوزعاپ، تەرگەۋ جۇمىستارىن باستاعان.
Abai.kz