قىزىل كرەست: ۋكراينا شىعىسىنداعى جانجالدان 10 مىڭ ادام قازا تاپقان
2014 جىلدان بەرى ۋكراينا شىعىسىندا بولىپ جاتقان قارۋلى قاقتىعىستان ءۇش مىڭنان استام ادام قازا تاپقان. ميلليوننان استام وتباسى ءۇيىن تاستاپ بوسىپ كەتكەن. جانجال ايماعىندا ءالى 500 بالا تۇرىپ جاتىر دەپ حابارلايدى حالىقارالىق قىزىل كرەست ۇيىمى.
بۇۇ-نىڭ ادام قۇقىقتارىن قورعاۋ جونىندەگى ميسسيانىڭ ۋكرايناداعى وكىلى ءۇش جىل ىشىندە سوعىس كەزىندە 10 مىڭعا جۋىق ادامنىڭ قايتىس بولعانىن ايتادى. 24 مىڭ ادام جارالانعان.
وسىعان دەيىن ۋكراينانىڭ قورعانىس مينيسترلىگى دونباس ايماعىندا 2 مىڭ 700 ۋكراين اسكەرى قازا تاپقانىن، 10 مىڭنان استامىنىڭ جاراقات العانىن جاريالاعان. قورعانىس مينيسترلىگى ەلگە 50 ميلليارد دوللار شىعىن كەلگەنىن ايتقان.
ۋكراينا مەن باتىس ەلدەرى ماسكەۋدى سەپاراتيستەرگە قولداۋ كورسەتىپ وتىر دەپ ايىپتايدى. كرەمل بولسا ايىپتاۋلاردى جوققا شىعارىپ كەلەدى.
Abai.kz
