ارداگەر ديپلومات انتونوۆ قىرىمدى اننەكسيالاۋىنا جانە رەسەيدىڭ ۋكراينا شىعىسىنداعى جانجالعا ارالاسۋىنا بايلانىستى 2015 جىلدىڭ اقپان ايىندا ەۋروپالىق وداقتىڭ جانە كانادانىڭ "قارا تىزىمىنە" ەنگەن. ال 2015 جىلدىڭ قىركۇيەك ايىندا ۋكراينانىڭ سانكتسيا تىزىمىنە كىرگەن.

انتونوۆ 30 جىلداي رەسەيدىڭ سىرتقى ىستەر مينيسترلىگىندە جۇمىس ىستەدى. ءبىر جىلداي سىرتقى ىستەر ءمينيسترىنىڭ ورىنباسارى، بەس جىلداي رف قورعانىس ءمينيسترىنىڭ ورىنباسارى قىزمەتىن اتقارعان.

2004—2011 جىلدارى سىرتقى ىستەر مينيسترلىگىندە انتونوۆ قاۋىپسىزدىك جونىندەگى دەپارتامەنت ديرەكتورى قىزمەتىن اتقارىپ، اسكەري-ساياسي كەلىسسوزدەر جۇرگىزگەن.

ول ەندى اقش-تا ەلشى بولعان سەرگەي كيسلياكتى الماستىرادى. كيسلياك اقش پرەزيدەنتى دونالد ترامپ اكىمشىلىگىمەن بايلانىسى بولدى دەپ داۋعا قالعان.

Abai.kz